پارلامەنتتە جاستار بولۋى كەرەك. باستىسى, سول الاڭدا جىلتىر سوزدەرمەن ەمەس, ۇتىمدى ۇسىنىستاردى ايتىپ, مەملەكەتىمىزدىڭ دامۋىنا ۇلەس قوسقانى ابزال. جاستارى بار ەلدىڭ – بولاشاعى بار. جاستار ەلىمىزدى گۇلدەندىرەدى, جاندان-دىرادى.
جاستار وتاندى تىلمەن ەمەس, جۇرەكپەن ءسۇيۋى كەرەك. بۇل سايلاۋدا قانشاما بەلسەندى جاستار كانديدات رەتىندە تىركەلىپ, ەلىنىڭ بولاشاعى ءۇشىن ايانباي تەر توگۋگە دايىن ەكەندەرىن ءبىلدىردى.
جالپى, سايلاناتىن دەپۋتاتتار كۋالىگىن العان سوڭ وزدەرىن كىم سايلاعانىن ۇمىتپاۋعا ءتيىس. ۇگىت-ناسيحات كەزەڭىندە ەل الدىندا ايتقان سوزدەرىن, ۋادەلەرىن ورىنداۋعا كۇش سالۋى كەرەك.
سوڭعى ۋاقىتتا مەملەكەت باسشىسىنىڭ تاپسىرماسىنا سايكەس, كەز كەلگەن سالادا رەفورمالار جۇزەگە اسىپ جاتىر. ساياسي رەفورمالار ءبىر بولەك, وزىمە جاقىن قورعانىس سالاسىندا جاڭاشىلدىقتاردىڭ ورىن الۋىن قولدايمىن. جاسىراتىنى جوق, وكوپتا بولماعان, قولىنا اۆتومات ۇستاپ كورمەگەندەر كابينەتتە وتىرىپ رەفورما ازىرلەۋگە شەبەر. بۇل شارۋامەن ءوز ءىسىنىڭ ماماندارى اينالىسۋى قاجەت. پارلامەنتكە قاراسام, ءبىر گەنەرال جوق. قىسقاسى, پارلامەنتتە ءوز سالاسىن جەتىك مەڭگەرگەن ازاماتتار وتىرۋعا ءتيىس.
باقىتجان ەرتاەۆ,
حالىق قاھارمانى, گەنەرال-لەيتەنانت