ماڭىزدى ءساتتى قالت جىبەرمەدى

بۇگىندە ادىلەتتى قازاقستان قۇرۋعا, وڭ وزگەرىس جاساۋعا سەپتىگى ءتيىپ, ءۇنى جەتەر دەگەن ۇمىتكەردى تاڭداپ, سايلاۋعا قىزىعۋشىلىق باسىم. ونى داۋىس بەرۋگە بەت العان ازاماتتار قاراسىنان ايقىن اڭعارۋعا بولادى.

– ءبىز بولاشاعىمىزدىڭ جارقىن, جاعدايىمىزدىڭ جاقسى بولارىنا سەنەمىز. كوپبالالى انالاردىڭ, جالپى قازاقستاندىق ايەلدەردىڭ الەۋمەتتىك تۇرمىسىن جاقسارتىپ, زەينەتكە شىعۋىن تومەندەتىپ, باسپانامەن قامتاماسىز ەتىلۋىنە وزگەرىستەر جاسالاتىن شىعار. سەبەبى, كانديداتتاردىڭ سايلاۋالدى باعدارلامالارىندا وسىنداي ۋادەلەر كوپ ايتىلدى. بۇگىن دەپۋتات بوپ سايلاناتىن ازاماتتاردىڭ ۋادەلەرى ورىندالار بولسا شىنىمەن دە حالىقتىڭ جاعدايى جاقسارارى ءسوزسىز. مەن سوعان سەندىم, ءوزىم قالاعان كانديداتقا داۋىسىمدى بەردىم, – دەيدى تالعار قالاسىنداعى №3 ورتا مەكتەپتە ورنالاسقان №837 سايلاۋ ۋچاسكەسىنە بارىپ, تاڭداۋىن جاساعان 12 بالانىڭ اناسى گۇلناز نۇردىلداقىزى.

ەلىمىزدىڭ ايبىنىن اسىرىپ, مارتەبەسىن كوتەرۋ جولىندا قىزمەت ەتەر حالىق قالاۋلىلارىنا تاڭداۋ جاسالاتىن ساياسي ماڭىزى زور ءساتتى قالت جىبەرمەي, ءوز ۇلەسىن قوسۋدى ازاماتتىق پارىز ساناعان سايلاۋ­شىلار تاڭنان كەشكە دەيىن ءوز سايلاۋ ۋچاسكەلەرىنە بارىپ, داۋىس بەرۋدى جالعاستىردى.

سايلاۋعا قوناەۆ گارنيزونىنا قاراستى اسكەري بولىمدەردە قىز­مەتى مەن بورىشىن اتقارىپ جۇرگەن 5 مىڭنان استام جاۋىن­گەر دە قاتىستى. وفي­تسەرلەر, كەلىسىمشارت بويىنشا اسكەري قىز­مەت­شىلەر جانە ولار­دىڭ وتباسى مۇشەلەرى تۇرعىلىقتى جەرى بو­يىنشا سايلاۋ ۋچاس­كەلەرىن­دە داۋىس بەردى. ءبىر مەزگىل­دە بىرنە­شە اسكەري ءبولىم­نىڭ مەرزىمدى اسكەري قىزمەتشىلەرى ءۇشىن دەسان­تتىق-شاب­ۋىل­داۋشى بريگادانىڭ اۋماعىندا سايلاۋ ۋچاسكەسى ۇيىم­داس­تىرىلدى. ولاردىڭ قاتارىندا ءبىرىنشى رەت داۋىس بەرگەندەر دە بار. سولاردىڭ ءبىرى – قاتارداعى جاۋىنگەر دانيل يۆانيتسكي.

«بيىل سايلاۋعا العاش رەت قاتىستىم. مەن ماقتانىشپەن داۋىسىمدى قۋاتتى, تۇراقتى, گۇلدەنگەن ەل ءۇشىن, بولاشاققا سەنىم ءۇشىن بەردىم. سايلاناتىن دەپۋتاتتار مەملەكەتىمىزدىڭ ودان ءارى دامىپ, وركەندەۋىنە لايىقتى ۇلەس قوساتىنىنا سەنىمدىمىن», دەيدى جاۋىنگەر.

ۇلبوسىن يسابەك,

جۋرناليست

الماتى وبلىسى