بۇگىنگى ساياسي ناۋقان قىزعان شاقتا اباي وبلىسىنىڭ اكىمدىگىنىڭ ءباسپاسوز قىزمەتى قۋانىشتى جاڭالىق تاراتتى, دەپ حابارلايدى Egemen.kz.
«اباي وبلىسىندا 19 ناۋرىز ساعات 8:00-دەگى جاعداي بويىنشا 16 ءسابي دۇنيەگە كەلدى. وبلىستا 11 قىز جانە 5 ۇل ءومىر ەسىگىن اشتى», دەپ جازىلعان حابارلامادا.
سونداي-اق وڭىردە ساياسي دوداعا اتسالىسىپ جاتقان داۋىس بەرۋشىلەردىڭ قاراسى كوپ. ماسەلەن, بورودۋليحا اۋدانىنىڭ ى.التىنسارين ورتا مەكتەبىنىڭ ۇجىمى №292 سايلاۋ ۋچاسكەسىنە كەلىپ, ءوز داۋىستارىن بەرگەن. سول سەكىلدى اياگوز اۋدانىنىڭ سايلاۋ ۋچاسكەلەرىندە داۋىس بەرۋ قارقىندى ءجۇرىپ جاتىر. ال اباي اۋدانى كوكباي اۋىلىنىڭ 93 جاستاعى تۇرعىنى كوشكينا تۇرسىنعايشا سايلاۋ ۋچاسكەسىنە كەلىپ ءوز تاڭداۋىن جاساعان.