ون ەكىنشى كەزدەسۋ

مازمۇندى ءىس-شاراعا دەنساۋ­لىق ساقتاۋ سالاسىندا جاساندى ينتەللەكت, روبوتتەحنيكا, ما­شي­نالىق ويلاۋ جانە ۇلكەن دە­رەك­­تەردى ەنگىزۋ جوبالارىمەن تا­بىس­تى جۇمىس ىستەپ جۇرگەن زيات­­كەرلىك مەكتەپتەردىڭ جاس عا­لىم­­دارى قاتىستى. وسىمەن ون ەكىن­شى رەت وتكەن كەزدەسۋ مەكتەپ وقۋشى­لارىنىڭ عى­لىمي-زەرتتەۋ جۇمىستارى 3D-بيو­پرينتينگكە, اقىلدى پروتەزدەر مەن بيوينتەر­فەيستەردى جاساۋعا جانە زاماناۋي مەديتسينانىڭ باسقا دا وزەكتى باسىمدىقتارىنا ارنالدى.

ناۋرىز كەزدەسۋىنىڭ اشى­لۋىن­دا وقۋ-اعارتۋ ءمينيسترى عاني بەيسەمباەۆ الدىمەن قاتى­سۋ­شى­لاردى ءوتىپ كەتكەن امال مەرەكە­سىمەن قۇتتىقتاپ, جاس عالىمدارعا جىلى لەبىزىن جەتكىزدى.

– 2011 جىلى العاشقى تۇ­ساۋىن كەسكەن ءىس-شارانىڭ تاري­­حي دا, عىلىمي دا ماڭى­زى ۇلكەن. سەبەبى تالاپتى جاس­­­تار­دىڭ العان عىلىمي زەرت­تەۋ­لەرىنىڭ تاقىرىپتارى وتە قىزىقتى. ماعان ۇناعانى – ولاردىڭ جاساعان جوبالارى شىنايىلىعىمەن عانا ەمەس, كادىمگى ومىردە قاجەتتىلىگى بار ەكەنىن ايقىنداپ تۇر. بارلىق عىلىمنىڭ نەگىزى مەكتەپتە قا­لانادى. وسىعان قاراپ بۇگىنگى شارانىڭ تاقىرىبىنا اينالعان بيولوگيا عىلىمىنىڭ نەگىزىن قالاپ جاتقاندارىڭىزدى كورىپ وتىرمىن. بۇل باعىتتاعى ىرگەلى جوبالاردى ودان ءارى جالعاستىرا بەرۋ كەرەك. ارمانداي بىلگەن, قيالداي بىلگەن بالانىڭ بولا­شا­عى زور. الەمدە اتاعىنان ات ۇركەتىن عالىمداردىڭ ءبارى كوكتەن تۇسكەن جوق. سىزدەر سەكىل­دى مەكتەپتە وقىپ, ءوز ارماندارىنا قول جەتكىزىپ, عىلىمدا عا­جايىپ جاڭالىقتار اشتى. مەن دە سىزدەردەن سونداي ءۇمىت كۇتەمىن, – دەدى مينيستر.

سودان كەيىن ءسوز العان نا­زار­­باەۆ زياتكەرلىك مەكتەپ­تەرى باسقارما توراعاسى ءانۋار جانعو­زين بيىلعى ءىس-شارانىڭ ماڭى­زىنا توقتالدى.

– بۇعان ەلىمىزدەن 150-دەن اسا وقۋشى قاتىسسا, ولاردىڭ 50-ءى اۋىل مەكتەبىنەن كەلدى. بۇل ءبىلىم بەرۋ تۇراقتى دامىتۋ قورىمەن بىرلەسكەن جوبا اياسىن­دا ىسكە استى. اۋىلدا­عى تىرەك مەكتەپتەردەن كەلگەن وقۋشى­لاردا عىلىمي جۇمىس­تارىن قورعايدى. جالپى, قورعاۋ­عا ەلۋدەن اسا عىلىمي جو­با ۇسى­نىلىپ وتىر. ءار جوباعا 3-4 بالادان قاتىسادى. قازىلار القا­سىنىڭ شەشىمىمەن جوعارى ناتيجە كورسەتكەن وقۋشىلارعا قوماقتى سىيلىعىمىز بار. ما­سە­لەن, قاتارلاستارىنان ۇز­­دىك شىق­قان التى ورەن ەلىمىز­­دەگى ال­دىڭ­عى قاتارلى ۋنيۆەرسي­تەت­­تەر­­دىڭ گرانتىنا يە بولادى, – دەدى ول.

ودان سوڭ كەزدەسۋ پلەنارلىق وتىرىسقا جالعاسىپ, وندا نا­زار­­باەۆ ۋنيۆەرسيتەتى مەدي­تسي­نا مەكتەبىنىڭ دەكانى ماسسيمو پين­تەللي, «انا مەن بالا» ۇلت­تىق عىلىمي ورتالىعىنىڭ بالالار حيرۋرگيا ءبولىمىنىڭ جەتەك­شى­سى داستان رۇستەموۆ جانە نازارباەۆ ۋنيۆەرسيتەتىنىڭ پروفەسسورى اتاكان ۆارول, نازار­باەۆ ۋنتۆەرسيتەتى مەدي­تسينا مەكتەبىنىڭ پروفەسسو­رى ءابدىجاپ­پار گايپوۆ سەكىلدى عالىمدار بايانداما جاساپ, عىلىم جولىنداعى ءوز تاجىري­بەلەرىمەن ءبولىستى.

سونىمەن بىرگە «بيومەدي­تسينا, ينجەنەريا جانە تەحنو­لو­­گيالار» تاقىرىبىندا نازار­باەۆ زياتكەرلىك مەكتەپتەرى مەن اۋىل­داعى تىرەك مەكتەپتەرى وقۋ­شى­لا­رى­نىڭ عىلىمي جوبالار كورمەسى ءوتتى.

ءۇش كۇنگە جوبالانعان كەزدەسۋ اياسىندا قاتىسۋشىلار ەلور­­داداعى فيزيكا-ماتەماتيكا باعىتىنداعى زياتكەرلىك مەك­تەپ­تىڭ «NIS Engineering» تەح­نوتورياسىندا روبوتتەحنيكا جانە ديزايندىق ويلاۋ بويىن­شا شەبەرلىك سىنىبى مەن «قۇرمانعازىنىڭ ايگىلى بەس كۇيى» مەن «100 ءان» اتتى شىعار­ماشىلىق ساعاتىنا قاتىسادى. سونداي-اق «ناۋرىز تارتۋى» اتتى كونتسەرتتىك باعدارلامانى تاماشالاپ, ەلورداداعى ۇلتتىق مۋزەي مەن «استانا وپەرا» تەاترىنا ەكسكۋرسيا جاسايدى.