سينوپتيكتەر 16-18 ناۋرىزعا ارنالعان اۋا رايى بولجامىن ۇسىندى, دەپ حابارلايدى Egemen.kz.
بولجام بويىنشا, رەسپۋبليكانىڭ باتىسىندا, سولتۇستىك-باتىسىندا جانە وڭتۇستىگىندە اتموسفەرالىق قىسىمنىڭ جوعارىلاۋىنا بايلانىستى جاۋىن-شاشىنسىز اۋا رايى ساقتالادى. ورتالىقتا, رەسپۋبليكانىڭ سولتۇستىگىندە, شىعىسىندا جانە وڭتۇستىك-شىعىسىندا اتموسفەرالىق فرونتالدى بولىكتەردىڭ اسەرىنەن جاۋىن-شاشىن, نەگىزىنەن قار كۇتىلەدى.
16 ناۋرىزدا كۇندىز وڭتۇستىكتە, الماتى وبلىسىنىڭ تاۋلى ايماقتارىندا, 17-18 ناۋرىزدا كۇندىز رەسپۋبليكانىڭ شىعىسىندا, وڭتۇستىك-شىعىسىندا قاتتى جاۋىن-شاشىن كۇتىلەدى, سونداي-اق كوكتايعاق, قار جاۋىپ, جەل كۇشەيەدى. ونىمەن قوسا تۇمان تۇسەدى.
«تەمپەراتۋرالىق فونعا كەلەتىن بولساق, مۇندا ايتارلىقتاي وزگەرىستەر كۇتىلمەيدى, تەك رەسپۋبليكانىڭ وڭتۇستىك-شىعىسىندا اۋا تەمپەراتۋراسىنىڭ تۇندە 0-8 گرادۋس ايازعا دەيىن, كۇندىز 0-7 گرادۋسقا دەيىن بىرتىندەپ تومەندەۋى كۇتىلەدى», دەلىنگەن حابارلامادا.