قازاقستان التىنشى ورىندا

ۇزدىكتەر كوشىن 1 796 ۇپاي جيعان برازيليا قۇراماسى باستاپ تۇر. ارينە, وعان تاڭدانۋعا بولمايدى. ولار وسىعان دەيىن توعىز رەت ۇيىمداستىرىلعان الەم چەمپيوناتىنىڭ بەسەۋىندە باس جۇلدەنى ولجالاپ, ءبىر كۇمىس پەن ەكى قولانى قورجىنعا سالدى. وڭتۇستىك امەريكا بىرىنشىلىگىندە ۇنەمى توپ جارىپ ءجۇر. ەكىنشى ورىندا – يسپانيا. 1 771 ۇپايدى ەنشىلەگەن پيرەنەي تۇبەگىنىڭ تۇلەكتەرى دۇنيەجۇزىلىك دودادا 2 التىن, 3 كۇمىس جانە 1 قولاعا قول جەتكىزدى. ەۋروپا چەمپيوناتىن جەتى رەت ۇتتى. ءۇشىنشى ساتىعا 1 753 ۇپايى بار پورتۋگاليا جايعاستى. 2021 جىلى ولار الەم چەمپيونى اتانسا, 2000 جىلى قولا مەدال يەمدەندى. سوڭعى ەكى قۇرلىق بىرىنشىلىگى ءدال وسى كوماندانىڭ جەڭىسىمەن اياقتالدى.

ال قازاقستاننىڭ فۋتزالشىلارى بۇل تىزىمدە التىنشى ورىندا تۇر. جەلەس­تەرى­مىزدىڭ قورجىنىندا 1 570 ۇپاي بار. سونداي-اق رەسەي, ارگەنتينا, يران, ماروككو, ۋكراينا جانە پاراگۆاي قۇرامالارى توپ-10 كوماندانىڭ قاتارىنا ەنىپ وتىر.