قازاقستان جىل سايىن ەكسپورت كولەمىن ۇلعايتىپ كەلەدى. ۇلتتىق ستاتيستيكا بيۋروسىنىڭ مالىمەتىنە قاراعاندا, ەكسپورت كولەمى 2022 جىلى دا وسكەن, دەپ حابارلايدى Egemen.kz.
وتكەن جىلى قازاقستان الەمنىڭ بارلىق ەلدەرىنە ەكسپورتتى 40 پايىزعا, 2021 جىلعى 60 ميللياردتان 2022 جىلى 84 ميللياردقا دەيىن, ال يمپورتتى 2021 جىلعى 41 ميللياردتان 2022 جىلى 50 ميللياردقا دەيىن (20 پايىزعا) ارتتىردى. ەكسپورتتىڭ ۇلعايۋى وتكەن جىلى مۇناي ساتىلىمىنىڭ 11 ميللياردقا ارتۋىنا بايلانىستى, ياعني رەنتا ەسبىنەن ەمەس, تابيعي ءوندىرىس ەسەبىنەن ءوستى.
ۇلتتىق ستاتيستيكا بيۋروسىنىڭ مالىمەتى بويىنشا, 2022 جىلى قازاقستاننان ەەو ەلدەرىنە 9,7 ميلليارد دوللارعا تاۋار ەكسپورتتالدى, ونىڭ 8,7 ميلليارد دوللارى رەسەي فەدەراتسياسىنا ەكسپورتتالعان.
ال 2021 جىلى بۇل كورسەتكىش ەەو ەلدەرى ءۇشىن 7,8 ميللياردتى جانە رەسەي ءۇشىن 7 ميللياردتى قۇراعان بولاتىن.