قولمەن جازۋدىڭ قۇدىرەتى

اعا تولقىن وكىلدەرى ادامنىڭ قولتاڭباسىنا قاراپ, ونىڭ مىنەز, بولمىسىن دا بىلۋگە بولاتىنىن ايتاتىن. اتاقتى باۋىرجان مو­مىش ۇلىنىڭ ارنايى جازبا قۇرالىن قولدانباي-اق وقتاي بولىپ كوككە شانشىلعان سىزبالارى كۇنى بۇگىنگە دەيىن ونىڭ قايتپاس, قايسار مىنەزىنەن حابار بەرىپ تۇر.

اقپاراتتىق تەحنولوگيا دامىسا دا تاريحتان حابار بە­­رەتىن قولجازبانىڭ ءباسى ۋا­­­­قىت وتكەن سايىن اس­پانداپ با­­را­دى. ەرتەرەكتە قازاق ادە­بيە­­­تىن زەرتتەۋدەگى ءبىر قيىندىق – شى­عارمانىڭ اۆتور­لىق قول­جاز­باسى ساقتالماۋى دەپ كەلدى. اباي شى­عارمالارىنىڭ باسىم كوپ­شىلىگى بىزگە مۇرسەيىت قول­جاز­باسى ار­قىلى جەتتى ەمەس پە؟

حV عاسىردا ءومىر سۇرگەن سۇل­تان سۇلەيمەننىڭ قۇندى قول­جازبالارى ۆارشاۆاداعى ۋنيۆەرسيتەت كىتاپحاناسىندا ساقتاۋلى. ونىڭ قانداي جادىگەر ەكەنىن جانە ونى قاراۋ قانشالىقتى قىزىقتى ەكەنىن دالەلدەپ جاتۋدىڭ قا­جەتى جوق. سۇلەيمەننىڭ بيلىك قۇر­­عانىنا جۇزدەگەن جىل ءوتتى, ونىڭ زامانىمەن قولتاڭباسى ارقىلى تىلدەسۋ شىن مانىندە كەرەمەت. ماسەلەن, ءاز تاۋكەدەن باستاپ كەنەسارىعا دەيىنگى حان­دارىمىزدىڭ قولجازباسى تاياۋ شىعىس ەلدەرى ارحيۆتەرىنەن تا­بىلىپ, ولاردىڭ الدى ەلگە كەلىپ, عىلىمي اينالىمعا ەنىپ جا­تىر. ولاردى كورگەن ساتتە ۇلت­تىق رۋح­­تىڭ ۇيىقتاپ قالعان جاسۋ­شا­لارى ءبىر مەزگىلدە ويانىپ, ويىڭدى دا, بويىڭدى دا سىلكىن­دى­رىپ جىبەرگەندەي اسەردە قالا­تىنىڭ انىق.

بىزگە ۇلى ابايدىڭ قاعاز بە­تىن­دە ساقتالىپ قالعان قولتاڭ­باسى ىستىق. ونداعى ءاربىر ارىپتەن ۇلى اقىننىڭ سول ساتتەگى كوڭىل كۇيىن ىزدەيسىڭ. ءاربىر بەلگىنىڭ اس­تىندا, اقىننىڭ شىعارماسىندا تىعىلىپ تۇرعانداي اسەردە بولا­سىڭ. مۇحتار اۋەزوۆتىڭ الما­تىداعى مۇراجايىندا ساق­تالىپ قالعان قولجازبالارىن كورگەندە دە ساناڭدى تىلسىم كۇش بيلەپ العانداي بولادى.

قولمەن جازۋ تاريحقا كوشىپ كەتكەن جوق. بوياۋ قارىنداشىمەن قوش­تاسا الماي جۇرگەن بۋىن ارامىزدا ءالى بار. مىسالى, اتاقتى ولجاس ءوز سۇحباتىندا قولمەن جازاتىنىن اي­تادى.

كوركەم جازۋدىڭ ادىستەمەسى باسقا عىلىمدار سياقتى قالىپ­تاسىپ, دامۋ ۇستىندە. «كوركەم جازۋدى قاي كەزدە وقىتۋ كەرەك؟» دەگەن سۇراققا الەم تالاي جىلدان بەرى جاۋاپ ىزدەپ كەلەدى.

حح عاسىردىڭ باسىندا امە­ري­كالىق پسيحولوگ ف.فريشەن با­لاعا جازۋ ۇيرەتۋ 9 جاسىندا وتە قولايلى دەسە, 20-جىلدارى يۋ.فاۋ­سەك 5 جاستان كوركەم جازۋدى ۇيرەتۋ كەرەك ەكەنىن تاجىريبە جۇ­­زىندە كورسەتتى. كوركەم جازۋ­دى قى­تايدا, اراب ەلدەرىندە ۇلت­تىڭ ما­دەني ەرەكشەلىكتەرىنىڭ ءبىرى دەپ تانيدى. اقپاراتتىق تەح­نولوگيا دامىدى دەسەك تە, الەم قول­جازبامەن قوشتاسۋعا دايىن ەمەس.

قىتايدا مەملەكەتارالىق شارتتىڭ ءبىر نۇسقاسى قولمەن جا­زىلىپ, پرەزيدەنتتەردىڭ قول­تاڭباسىمەن مورلەنگەن كۇي­دە ەلدىڭ باس مۇراجايىنا تاپسى­رى­لىپ, مىڭجىلدىق جىلنا­مالارىنىڭ قاتارىن تولىق­تىرادى. بولاشاق ءۇشىن. تەحنو­لو­گيا سالاسىندا ادامنىڭ باسى اي­نا­لاتىن تابىستارعا قول جەت­كىزگەن جاپون ەلىنە دە بۇل ءۇردىس جات ەمەس.

جاپون, قىتاي بالالارى ەلى­نىڭ جەڭىسىمەن عانا ەمەس, ادام قو­لىمەن كەستەلەنگەن مىڭداعان جىلدىق تاريحى بار جىلناماسىمەن دە ماقتانادى.

بىزگە دە قولجازبانىڭ قۇن­دىلىعىن زەردەلەيتىن ءبىر ور­تالىق اشىلىپ, مەملەكەت باس­شى­لارىنىڭ قولمەن جازعان قۇ­جاتتارى سوندا ساقتالسا دەيسىڭ. ارينە, ەرتەڭگى ۇرپاق ءۇشىن...

الماتى