مىسىردا جولاۋشىلار پويىزى رەلستەن شىعىپ كەتىپ, تەمىرجول ستانتسياسىنا سوعىلعان, دەپ حابارلايدى Egemen.kz «حابار 24» ارناسىنا سىلتەمە جاساپ.
سونىڭ سالدارىنان 2 ادام كوز جۇمىپ, 23-ءى جاراقات الدى. قازىر وقيعا ورنىندا جەدەل جاردەم قىزمەتكەرلەرى جۇمىس ىستەپ جاتىر. ماماندار زارداپ شەككەن جولاۋشىلاردى ۆاگون ىشىنەن الىپ شىعىپ, جاقىن ماڭداعى اۋرۋحانالارعا جەتكىزدى.
ازىرگە اپاتقا نە سەبەپ بولعانى بەلگىسىز. الدىن الا نۇسقا بويىنشا ماشينيست جىلدامدىقتى اسىرىپ جىبەرگەنگە ۇقسايدى.
مىسىر پروكۋراتۋراسى وقيعاعا بايلانىستى تەرگەۋ جۇمىستارىن باستادى.