ادام اعزاسى 80% سۋدان تۇرادى. ءبىزدىڭ ءومىرىمىز تىكەلەي سۋمەن بايلانىستى. سۋعا اللەرگياسى بار نازىك جاندى ەشلي مورريس اۋستراليادا ءومىر سۇرەدى, دەپ حابارلايدى Egemen.kz.
ەشليعا تەرلەۋدىڭ ءوزى قاۋىپتى. ەڭ قىزىعى - بۇل قۇبىلىس ەشليدە تۋا بىتكەن ەمەس. 15 جاسىنا دەيىن قىز بارلىق ادامدار سياقتى قاراپايىم ءومىر سۇرگەن. سودان كەيىن ول تونزيلليتكە شالدىعىپ, اۋىرىپ قالدى. وعان دارىگەرلەر پەنيتسيلليننىڭ كوپ مولشەرى بار پرەپاراتتاردى جازىپ بەرگەن. ناتيجەسىندە انتيبيوتيكتىڭ ۇلكەن دوزالارى سۋعا اللەرگيانى تۋدىرعان.
بۇل اۋرۋمەن الەمدە 5 ادام اۋرادى, سونىڭ ءبىرى - ەشلي. ول «بۇنىمەن ءومىر بىتپەيدى» دەگەن ۇستانىمدى ۇستانادى. ءمورريستىڭ ومىرگە دەگەن قۇلشىنىسى كەرەمەت. وعان 1 مينۋتتان ارتىق دەنەسىن سۋعا جاناستىرۋعا بولمايدى. ول ۆانناعا دا, دۋشقا دا, باسسەينگە دە تۇسە المايدى.
ەشلي بۇل جاعدايعا جاقسى جاعىنان قاراي بىلگەن. مىسالى, جىگىتى وعان جان-جاقتى قامقورلىق جاساپ, سۇيىكتىسىنە ىدىس-اياق, كىر جۋدىرمايتىن كورىنەدى.