الماتىدا فۋتبول ماتچىنان كەيىن مەكتەپ وقۋشىلارى اراسىندا جاپپاي توبەلەس بولدى, دەپ حابارلايدى Egemen.kz.
جەلىدە وقۋشىلاردىڭ جاپپاي توبەلەسىنىڭ ۆيدەوسى تارادى. ۆيدەو استىنداعى جازبادا جانجال وربيتا شاعىن اۋدانىندا بولعانى تۋرالى جازىلعان.
الماتى قالالىق پوليتسيا دەپارتامەنتىندە اتالعان وقيعا بويىنشا بوستاندىق اۋداندىق پوليتسيا باسقارماسى تەرگەۋ جۇرگىزىپ جاتقانى حابارلاندى. «وقيعانىڭ ءمان-جايىن ءبىلۋ ءۇشىن توبەلەسكە قاتىسۋشىلار پوليتسيا باسقارماسىنا جەتكىزىلدى. ولاردىڭ ارەكەتىنە قۇقىقتىق باعا بەرىلەدى. سونىمەن قاتار ءىستىڭ ءمان-جايىن انىقتاۋ ءۇشىن مەكتەپ وقۋشىلارى اراسىنداعى فۋتبول ءتۋرنيرىنىڭ ۇيىمداستىرۋشىلارى پوليتسياعا شاقىرىلدى», دەپ حابارلادى قالالىق پوليتسيا دەپارتامەنتىنىڭ ءباسپاسوز قىزمەتى.