ماجارستاندا دەبرەتسەن ۋنيۆەرسيتەتىنىڭ تاريح جانە ەتنوگرافيا دوكتورلىق مەكتەبىنىڭ ەتنوگرافيا كافەدراسىنىڭ ۇيىمداستىرۋىمەن «قازاقستان-ماجارستان مادەني نارراتيۆتەرى, الەۋمەتتىك جانە ەكونوميكالىق ارتۇرلىلىك» اتتى عىلىمي كونفەرەنتسيا ءوتتى, دەپ حابارلايدى Egemen.kz.
كونفەرەنتسيادا دەبرەتسەن ۋنيۆەرسيتەتىنىڭ وقۋ جونىندەگى پرورەكتورى پروفەسسور بارتا ەلەك سوڭعى جىلدارى قازاقستاندىق ۋنيۆەرسيتەتتەر جانە عىلىمي مەكەمەلەرمەن ىنتىماقتاستىق تۋرالى ون شاقتى ەكىجاقتى كەلىسىم جاسالعانىن, سونداي-اق قازىرگى ۋاقىتتا دەبرەتسەن ۋنيۆەرسيتەتىندە 141 قازاقستاندىق ستۋدەنت ءبىلىم الىپ جاتقانىن اتاپ ءوتتى.
كونفەرەنتسياعا ماجارستان (دەبرەتسەن ۋنيۆەرسيتەتى, ەتۆەش لوراند ۋنيۆەرسيتەتى, ELTE, سەگەد ۋنيۆەرسيتەتى) جانە قازاقستاندىق جوعارى وقۋ ورىندارىنىڭ ء(ال-فارابي اتىنداعى قازۇۋ, ل.ن.گۋميلەۆ اتىنداعى ەۇۋ, AITU, امانجولوۆ اتىنداعى شقۋ, نۋ, وتەمىسوۆ اتىنداعى بقۋ) وقىتۋشىلارى, قازاقستاننىڭ ۆەنگرياداعى عىلىمي ەلشىسى نازيرا ءابدىناسىر قاتىستى. ءىس-شارا بارىسىندا ماجار تاراپى قازاقستاننىڭ عىلىمي ومىرىمەن تانىسۋعا مۇمكىندىك الدى.