اقش-تىڭ مەملەكەتتىك حاتشىسى ەنتوني بلينكەن رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەستى, دەپ حابارلايدى Egemen.kz.
بەيرەسمي كەزدەسۋ بارىسىندا ول ماسكەۋدى ەكى تاراپ ءۇشىن دە يادرولىق قارۋدى پايدالانۋدى شەكتەيتىن «ستراتەگيالىق شابۋىل قارۋى» تۋرالى كەلىسىمشارتتى ساقتاۋعا جانە شارتتىڭ كۇشىن قايتا قالپىنا كەلتىرۋگە شاقىرعانىن ايتتى.
«مەن لاۆروۆتى رەسەي مەن اقش اراسىنداعى «ستراتەگيالىق يادرولىق قارۋ» تۋرالى شارتتىڭ كۇشىن قالپىنا كەلتىرۋگە شاقىردىم. شارتتى ساقتاۋ ەكى ەلدىڭ مۇددەسىنە ساي كەلەدى. مەن رەسەي سىرتقى ىستەر مينيسترىنە اقش-تىڭ الەمدە جانە ءبىزدىڭ قارىم - قاتىناسىمىزدا بولىپ جاتقان وقيعالارعا قاراماستان, «ستراتەگيالىق قارۋدى باقىلاۋ» ماسەلەسى بويىنشا ارقاشان ىنتىماقتاسۋعا دايىن ەكەنىمىزدى ايتتىم», دەدى ول.
ۆلاديمير پۋتين 21 اقپانداعى جولداۋىندا رەسەي بۇل كەلىسىمشارتتىڭ كۇشىن جوياتىنىن مالىمدەگەن ەدى.