قىتايدا سالىنىپ جاتقان 42 قاباتتى Kimpton قوناق ءۇيى ورتەنىپ كەتتى. جەرگىلىكتى باق-تىڭ حابارلاۋىنشا, ءورت عيماراتتىڭ اينالاسىنداعى بامبۋك اعاشتارىنان باستالعان. بىراق وقيعانىڭ ناقتى سەبەبى ءالى دە بەلگىسىز, دەپ حابارلايدى Egemen.kz.
سالىنىپ جاتقان ءزاۋلىم عيمارات گونكونگتىڭ ەڭ ءىرى ساۋدا ورتالىعى جانە تۋريستىك ايماقتارىنىڭ ءبىرى – تسيم شا تسۋيدە بولدى. SCMP مالىمەتىنشە, ورتتەن ەكى كولىك جۇرگىزۋشىسى زارداپ شەكتى. جاراقات العاندار اۋرۋحاناعا جەتكىزىلدى.
ءورت عيمارات اينالاسىنداعى ساۋدا كەشەندەرىنە دە شارپىدى. بىراق ءورت سوندىرۋشىلەر جالىندى تەز ءسوندىرىپ ۇلگەردى.
عيمارات 2018 جىلى بۇزىلىپ, ورنىنا 42 قاباتتى 500 بولمەلى كيمپتون قوناق ءۇيىنىڭ قۇرىلىسى باستالعان ەدى.