ءبىلىم العا باسسا, ەل وزادى

ساناتىنا, اعىلشىن تىلىندە ساباق بەرە الاتىنىنا, داپتەر تەكسەرگەنگە, سىن­ىپ جەتەكشىلىگىنە تولەنەتىن قوسىم­شا­لاردى ەسەپتەگەندە كوپتەگەن مۇعا­لىمنىڭ ەڭ­بەك­اقىسى بۇدان دا جوعارى. سونىڭ ناتي­جەسىندە پەداگوگ قىزمەتى قايتادان بەدەلدى قىزمەتكە اينالىپ, جاستار اراسىندا باسەكەلەستىك تە كۇشەيىپ كەلەدى.

– ماسەلەن, سولتۇستىك قازاقستان وب­لى­سى بيۋدجەتىنىڭ ءبىلىم سالاسىنا بولىنە­تىن قاراجاتى سوڭعى ءۇش جىلدا 1,5 ەسە ارتىپ, 134,8 ملرد تەڭگەگە جەتتى. وسى­نىڭ ناتيجەسىندە ءبىز بالاباقشادان باستاپ بارلىق دەڭگەيدەگى ءبىلىم بەرۋ مەن تاربيەلەۋ جۇمىسىنىڭ ساپاسىن ارتتىر­دىق. مەكتەپكە دەيىنگى ءبىلىم بەرۋ بويىنشا 3 جاستان 6 جاسقا دەيىنگى بارلىق بوبەكتى قامتىدىق. ال بيىل قازىرگى مەكە­مە­لەردى كەڭەيتۋ ارقىلى قوسىمشا 210 بو­بەك­تى مەكتەپكە دەيىنگى بىلىممەن قامتي­تىن بولامىز, – دەيدى وبلىستىق ءبىلىم بەرۋ باسقارماسىنىڭ باسشىسى نازار جا­شىبەكوۆ.

بيىل ءتىل ساباقتارى بويىنشا وزگەرىس­تەر ەنگىزىلگەنى بەلگىلى. قازىر قازاق مەكتە­بىنىڭ ءبىرىنشى سىنىبىنا بارعان وقۋشى تەك انا تىلىندە عانا وقيدى, ال ورىس ءتىلىن ەكىنشى سىنىپتان باستاپ قانا ۇيرەنەدى, اعىلشىن ءتىلى ءۇشىنشى سىنىپتان باستاپ وقىتىلادى. ءسويتىپ, قالىڭ كوپشىلىكتىڭ اشۋ-ىزاسىن تۋدىرعان ءبىرىنشى سىنىپتان باستالعان ء«ۇش تىلدىلىك» توقتاتىلعان ەدى.

وقۋشىلاردىڭ ءبىلىم ساپاسىن وقۋ جەتىستىكتەرىنىڭ سىرتقى باعاسى مەن ۇلتتىق بىرىڭعاي تەستىلەۋ ناتيجەسى انىق­­تايدى. سىرتقى باعا مونيتورينگ ارقىلى جاسالادى. سوعان قاتىسقان سول­تۇستىكقازاقستاندىق 4 جانە 9 سىنىپ وقۋ­شىلارى بىلتىر جاقسى ناتيجەلەر كورسەتتى. اتاپ ايتقاندا 4-ءشى سىنىپ وقۋ­شىلارى رەسپۋبليكالىق رەيتينگتە 5-ءشى ورىن السا, 9-شى سىنىپ وقۋشىلارى 48,7 ۇپايمەن 4-ءشى ورىنعا تۇراقتادى.

بىلتىر ۇبت-عا مەكتەپ بىتىرگەندەردىڭ 73 پايىزى قاتىسىپ, ورتا ەسەپپەن 74,96 ۇپاي العان. 2021 جىلى بۇل كورسەتكىش – 74,8 ۇپايدى, 2020 جىلى 69,7 ۇپايدى قۇراعان ەدى. ناتيجەسىندە, تۇلەكتەردىڭ 63,6 پايىزى جوعارى وقۋ ورىندارىنا گرانتقا ءتۇستى, بۇل وتكەن جىلمەن سالىس­تىرعاندا 4,3 پايىزعا جوعارى.

ايتا كەتەرلىگى, وبلىستىڭ مەكتەپ بىتىرۋشىلەرى شەكتى دەڭگەيدە وتە الما­عان­داردىڭ ازدىعى بويىنشا رەسپۋب­ليكادا العاشقى ۇشتىكتىڭ قاتارى­نا ەندى. ءوڭىر وقۋشىلارى بىلتىر رەسپۋبلي­كالىق ءپان وليمپيادالارىنا دا بەلسەنە قاتىسقان. سونىڭ ىشىندە 24 بالا جەڭىم­پازدار قاتارىنان تابىلىپ, 1,3 ملن تەڭگەنىڭ سىيلىعىن ۇتىپ الدى.

مەكتەپتەردىڭ وقۋ جىلىنا دايىندىعى, جوندەۋ, سىرلاۋ جۇمىستارىنىڭ ۋاقى­­­تىندا جۇرگىزىلگەنى وقۋشىلاردىڭ كوڭىل-كۇيىنە, بىلىمگە دەگەن ىنتاسىنا تىكەلەي اسەر ەتەتىنى ايان. بىلتىر جاز بويى وبلىس بويىنشا 2,5 ملرد تەڭگەگە 31 ءبىلىم بەرۋ نىسانى كۇردەلى جوندەۋدەن وتكىزىلگەن. سونىڭ 21-ءى «اۋىل – ەل بەسىگى» باعدارلاماسى شەڭبەرىندە ىسكە اسقان. ال بيىل 3,8 ملرد تەڭگەگە 39 نىسانعا جوندەۋ جۇمىستارىن جاساۋ بەلگىلەنىپ وتىر. ءبىلىم بەرۋ باسقارماسى وبلىس ورتالىعىنداعى مەكتەپتەردەگى ورىن جەتىسپەۋشىلىگىن جويۋ ءۇشىن 2026 جىلعا قاراي 3 مىڭنان ارتىق وقۋشىعا شاقتالعان قوسىمشا 4 مەكتەپ سالۋدى جوسپارلاپ وتىر.

مەكتەپتەردىڭ ماتەريال­دىق-تەحنيكا­سىن نىعايتۋ ماسەلە­سى دە كۇن تارتىبىنەن تۇسكەن ەمەس. بىلتىر فيزيكا جانە بيولوگيا پاندەرى بويىنشا 150 ملن تەڭگەگە 28 كابينەت ساتىپ الىنعان. بيىلعى مەجە دە سول دەڭگەيدە. 2020 جىلدان باس­تاپ قالاداعى تولىق جيناقتى 48 مەك­تەپ­تى ناقتى قارجىلاندىرۋ تەتىگى ەنگىزىل­گەن. ناتيجەسىندە, جۇمىستى ۇتىم­دى ۇيىمداستىرا بىلەتىن ديرەكتورلار قارجىنى ۇنەمدەۋ, اسا قاجەتتى باعىتقا جۇم­ساۋ شارالارىن وزدەرى اتقارۋدا. ۇنەم­دەل­گەن قاراجاتتىڭ ەسەبىنەن كەيبىر ديرەكتورلار جوندەۋ جۇمىستارىن دا جاساعان. 

تەحنيكالىق جانە كاسىبي ءبىلىم بەرۋ سالاسىندا دا وڭ وزگەرىستەر بار. 2022-2023 وقۋ جىلدارىندا مەملەكەتتىك تاپسىرىس 300 ادامعا دەيىن ارتقان. ايىرتاۋ اۋدانىندا بىلتىر تۋريزم سالاسىنا ماماندار دايىندايتىن «زەينەپ» اتتى جەكەمەنشىك كوللەدج اشىلدى. وندا قازىر 100 ستۋدەنت وقيدى. قۇيىلعان ينۆەستيتسيا كولەمى – 250 ملن تەڭگە.

بىلتىر «قازاقستان حالقىنا» قو­رى­نىڭ كومەگىمەن وسى زامانعى وقۋ جا­نە دامىتۋ جابدىقتارىمەن 4 ارناۋ­لى (كوررەكتسيالىق) مەكتەپ-ينتەرنات قامتا­ماسىز ەتىلدى. قۇيىلعان ينۆەستيتسيا كولە­مى 78 ملن تەڭگەنىڭ توڭىرەگىندە.

سولتۇستىك قازاقستان وبلىسى