مەتەوريتتەن امان قالعان ادام

جەر بەتىنە مەتەوريتتىڭ قۇلاۋى وتە سيرەك كەزدەسەتىن جايت.  سونداي كاتاكليزمدەردىڭ سالدارىنان ادام شىعىنى دا بولعان.  تاڭعاجايىپ ادامعا مەتەوريت ءتۇسىپ, ونىڭ امان قالعانى بۇكىل ادامزات تاريحىندا ءبىر-اق رەت تىركەلگەن وقيعا. سول باقىتتى ادام امەريكانىڭ الاباما شتاتىنداعى سۋلاكوگانىڭ تۇرعىنى ەنن ەليزابەت حودجەس بولدى.

توتەنشە جاعداي 1954 جىلى 30 قاراشادا كەشكى ساعات جەتىلەر شاماسىندا بولعان. سالماعى 3,8 كەلى بولاتىن استەرويد تورونىڭ سىنىعى, ەنن مەن ونىڭ كۇيەۋى تۇرعان ءۇيدىڭ شاتىرىن تەسىپ وتكەن. ءۇي يەسى تەلەديدار الدىنداعى ديۆاندا دەمالىپ جاتقان كەزدە مەتەوريت شاتىردى جارىپ ءوتىپ, ۇستەل ۇستىندە تۇرعان راديوقابىلداعىشقا سوعىلىپ, سوسىن ايەلدىڭ بۇيىرىنە تيگەن. اسپان دەنەسىنىڭ فراگمەنتى بولمەگە جانە ونداعى زاتتارعا اۋىر زيان كەلتىردى, بىراق جابىرلەنۋشىنىڭ جولى بولىپ تەك ۇلكەن گەماتومالى جاراقات الدى. پسيحولوگيالىق زارداپتارى بۇدان دا اۋىر بولۋى مۇمكىن ەدى. بىراق اپات كەزىندە حودجەس ۇيىقتاپ جاتقان. قاتتى سوققىدان ويانىپ, نە بولىپ جاتقانىن بىردەن تۇسىنە قويماعان.

ونىڭ كورشىلەرى مەتەوريت قۇلاعانعا دەيىن اۋداننىڭ جارقىراعان جارىقپەن جارقىراعانىن جانە ءبىر زاتتىڭ قاتتى داۋىسى اسپانعا تاراعانىن كوردى. سوعىستىڭ قىزىپ جاتقان شاعى بولعاندىقتان, تۇرعىندار ورىستاردىڭ زىمىراندارى شابۋىل جاساپ جاتىر دەپ ويلاپ, تىعىلا باستاعان. بىراق دۇرسىلدەگەن داۋىستان كەيىن تىنىشتىق ورناعان كەزدە, قىزىعۋشىلىق تانىتقان ادامدار نە بولعانىن ءبىلۋ ءۇشىن سىرتقا شىققان.

حودجەستەردىڭ ءۇيىنىڭ جانىنا ءبىر توپ ادام جينالىپ, مەتەوريتىڭ قۇربانى ەننىڭ ءدىن امان ەكەنىن كورگەندە قاتتى تاڭعالعان. وسى جاعدايدان كەيىن حودجەستىڭ اتى تانىمال بولا باستادى. 

مەتەوريتتىڭ بولشەگىن ساتۋعا كوپ ۇسىنىس ءتۇستى. بىراق ەنن حودجەس مەتەوريتتى الاباما ۋنيۆەرسيتەتىنىڭ جاراتىلىستانۋ تاريحى مۇراجايىنا سىيعا تارتتى.