بۇگىن اتىراۋ وبلىسىندا ءىرى جول اپاتىنان ءتورت ادام قازا تاۋىپ, ۇشەۋى جاراقات الدى, دەپ حابارلايدى Egemen.kz.
وبلىستىق پوليتسيانىڭ مالىمەتىنشە, قايعىلى وقيعا اقتوبە-اتىراۋ-استراحان تاس جولىنىڭ ماقات - قىزىلقوعا باعىتىنداعى 492 شاقىرىمىندا بولعان.
انىقتالعانداي, «Toyota Ipsum» جۇرگىزۋشىسى ءرۋلدى باسقارا الماي قالعان. ول قارسى جولاققا شىعىپ كەتىپ, جۇك كولىگىمەن سوقتىعىسقان.
«جول اپاتى سالدارىنان 4 ادام قايتىس بولدى. تاعى ءۇش ادام ءتۇرلى دەنە جاراقاتتارىمەن ماقات اۋداندىق اۋرۋحاناسىنا جەتكىزىلدى», دەلىنگەن اتىراۋ وبلىسى دپ ءباسپاسوز قىزمەتى تاراتقان حابارلامادا.