الماتى وبلىسى تالعار اۋدانى بەساعاش اۋىلىندا ورنالاسقان «بۋراباي» كوتتەدج قالاشىعىندا توپىراق كوشكىنى ءجۇردى. توتەنشە جاعدايلار دەپارتامەنتى قۇرباندار مەن زارداپ شەككەندەردىڭ جوعىن مالىمدەدى, دەپ حابارلايدى Egemen.kz.
«25-26 اقپان ارالىعىندا قار ارالاس جاڭبىر جاۋىپ, توپىراق باتپاقتانىپ, ناتيجەسىندە تاۋ باۋرايىنان باياناۋىل كوشەسىندەگى ەكى جەكە تۇرعىن ءۇيدى لاي كوشكىنى باسىپ قالدى. توپىراق ۇيلەردىڭ ءبىرىنىڭ تەرەزەسىنە زاقىم كەلتىرىپ, ىشكى بولمەلەرگە كىردى. ەكىنشى ءۇيدىڭ قابىرعالارىندا جارىقتار پايدا بولدى. قۇرباندار مەن زارداپ شەككەندەر جوق. وقيعا ورنىنا توتەنشە جاعدايلار دەپارتامەنتى, «قازسەلدەنقورعاۋ» مم, جەرگىلىكتى اتقارۋشى ورگانداردىڭ قىزمەتكەرلەرى جىبەرىلدى. وقيعانىڭ ناقتى سەبەبىن جانە كەلتىرىلگەن زالالدى انىقتاۋ جونىندەگى كوميسسيا قۇرىلدى», دەلىنگەن ۆەدومستۆو حابارلاماسىندا.
توپىراق كوشكىنىنىڭ ۆيدەوسى الەۋمەتتىك جەلىدە تاراعان. وبلىستىق توتەنشە جاعدايلار دەپارتامەنتى وقيعا تۋرالى اقپارات 27 اقپاندا ساعات 09:50-دە كەلىپ تۇسكەنىن مالىمدەدى.