«كazEOSat-2» جەردى قاشىقتىقتان زوندتاۋشى (جقز) ەكىنشى قازاقستاندىق سپۋتنيگى ورىنبور وبلىسىنداعى (رەسەي) «ياسنىي» ۇشىرۋ بازاسىنان 2014 جىلعى 20 ماۋسىمدا استانا ۋاقىتىمەن ساعات 01:11-دە ۇشىرىلدى.
«كazEOSat-2» (Kazakhstan Earth Observation Satellite – جەردى باقىلايتىن قازاقستاندىق سپۋتنيك) قازعارىشتىڭ تاپسىرىسى بويىنشا ءىرى فرانتسۋز Airbus Defence and Space كونتسەرنىنىڭ قۇرامىنا كىرەتىن بريتانيانىڭ Surrey Satellite Technology Limited (SSTL) كومپانياسى جاساعان جەردى ورتاشا كەڭىستىكتەن قابىلەتى 6,5 مەتر بولاتىن بەس مۋلتيسپەكترالدى كانالداردان باقىلاۋعا مۇمكىندىك بەرەتىن عارىش اپپاراتى.
«كazEOSat-2» سپۋتنيگىنىڭ ۇشىرىلىمى رس-20 قۇرلىقارالىق بالليستيكالىق زىمىرانىنىڭ نەگىزىندە قۇرىلعان «دنەپر» زىمىران-ۇشىرعىشىمەن جۇزەگە اسىرىلعان بولاتىن.
«كazEOSat-2» سپۋتنيگى جقز قىزمەتتەرىنىڭ تولىق سپەكترلەرىن ۇسىنۋعا, قازاقستان رەسپۋبليكاسىنىڭ اۋماعىندا تۇسىرىلىمدەر الۋعا, سونداي-اق, تابيعي اپاتتاردىڭ الدىن الۋعا, جەر كاداسترىن جۇرگىزۋگە, ەلىمىزدىڭ قورعانىسى مەن قاۋىپسىزدىگىن قامتاماسىز ەتۋ ءۇشىن كارتوگرافيالاۋ, جەردىڭ باسقا دا ۋچاسكەلەرىن مونيتورينگىلەۋ ماقساتىنا باعىتتالعان.
قازاقستان رەسپۋبليكاسىنىڭ جقز عارىش جۇيەسى «KazEOSat-2» سپۋتنيگىن ۇشىرا وتىرىپ, ورتاشا كەڭىستىكتەن قابىلەتى 6,5 مەتر بولاتىن عارىش اپپاراتىمەن تولىقتىرىلدى. قازاقستان رەسپۋبليكاسىنىڭ جقز عارىش جۇيەسىنىڭ قۇرامىنا ەكى عارىش اپپاراتى ء(ۇ.ج. 30 ساۋىردە ۇشىرىلعان «KazEOSat-1» جانە 20 ماۋسىمدا ۇشىرىلعان «KazEOSat-2») مەن ءمالىمەتتەردى قابىلداۋعا, وڭدەۋگە جانە تاراتۋعا ارنالعان جەرۇستى نىسانالى كەشەن كىرەدى.
قر ۇلتتىق عارىش اگەنتتىگىنىڭ توراعاسى تالعات مۇساباەۆتىڭ باسشىلىعىمەن قازعارىش دەلەگاتسياسى «KazEOSat-2» عارىش اپپاراتىنا تاپسىرىس بەرۋشى رەتىندە عانا ەمەس, سونىمەن بىرگە, «دنەپر» زۇ ۇشىرۋعا تولىق قۇقىلى قاتىسۋشى رەتىندە دە قاتىسقان, دەپ حابارلادى قازعارىشتىڭ ءباسپاسوز قىزمەتى.