حالىقارالىق رەيستەردىڭ سانىن ۇلعايتۋ, سونداي-اق «اشىق اسپان» رەجيمىن ىسكە اسىرۋ جونىندەگى مەملەكەت باسشىسىنىڭ تاپسىرماسىن جۇزەگە اسىرۋ شەڭبەرىندە قر يدم ازاماتتىق اۆياتسيا كوميتەتى ومان اۆياتسيالىق بيلىگىمەن بىرلەسىپ «Salam Air» اۋەكومپانياسىنىڭ تۇراقتى جولاۋشىلار رەيستەرىن اشۋ ماسەلەسىن پىسىقتادى, دەپ حابارلايدى Egemen.kz.
«Salam Air» 2023 جىلعى 1 شىلدەدەن باستاپ ا–320neo جانە ا-321neo ءتيپتى اۋە كەمەلەرىندە اپتاسىنا 2 رەيس (بەيسەنبى جانە جەكسەنبى) جيىلىگىمەن ماسكات-الماتى باعىتى بويىنشا تىكەلەي تۇراقتى رەيستەردى ورىنداۋدى باستاۋدى جوسپارلاپ وتىر.
قازاقستان مەن ومان اراسىندا اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق, تۋريستىك جانە مادەني ىنتىماقتاستىقتى دامىتۋعا ىقپال ەتەدى.
«Salam Air» – وماننىڭ ماسكات قالاسىندا ورنالاسقان وماندىق تومەن بيۋدجەتتىك اۆياتاسىمالداۋشى. ۇشۋدى 2016 جىلى باستادى.
اۋەكومپانياسى الەمنىڭ 20-عا جۋىق ەلىنە (چەحيا, بوسنيا جانە گەرتسەگوۆينا, سۋدان, ساۋد ارابياسى, پاكىستان, بانگلادەش, نەپال, شري-لانكا, ءۇندىستان جانە ت.ب.) 30 باعىت بويىنشا حالىقارالىق رەيستەردى ورىندايدى.
اۋەكومپانياسىنىڭ پاركىندە 11 Airbus A320neo, A321neo ۇشاعى بار.