فرانتسيانىڭ مارسەل قالاسىندا ءوتىپ جاتقان ATP 250 ءتۋرنيرى ءوز مارەسىنە جاقىنداپ قالدى. جۇلدە قورى 707 510 ەۋرونى قۇراعان جارىستا الەكساندر بۋبليك تە باق سىنعان ەدى.
الەمدىك رەيتينگتە 50-ورىندا تۇرعان قازاقستاننىڭ ءبىرىنشى راكەتكاسى العاشقى ەكى اينالىمدا سەربيالىق فيليپپ كراينوۆيچ پەن فرانتسيالىق گرەگۋر باررەردەن باسىم ءتۇستى. ودان كەيىن ول شيرەك فينالدا گريگور ديميتروۆپەن كەزدەستى. اتر تىزىمىندە 25-ورىنعا جايعاسقان 31 جاستاعى بولگاريانىڭ وكىلى كەزىندە اقش پەن اۋستراليانىڭ اشىق بىرىنشىلىكتەرى مەن ۋيمبلدوننىڭ جارتىلاي فينالىنا دەيىن جەتكەنىن جانكۇيەرلەر جاقسى بىلەدى. وسى كەزدەسۋدە بارىن سالعان بۋبليك 7:5, 3:6, 7:6 ەسەبىمەن جەڭىسكە جەتتى.
وكىنىشكە قاراي, جارتىلاي فينالدا جەرلەسىمىزدىڭ الەمنىڭ 11-راكەتكاسى پولشالىق حۋبەرت حۋركاچقا ءالى جەتپەدى. بۇل باسەكە 6:4, 7:6 ەسەبىمەن اياقتالدى. ەندى حۋركاچ فينالدا فرانتسيالىق بەنجامين بونزيمەن شەبەرلىك بايقاسادى.