مويىنقۇم اۋدانى پوليتسيا ءبولىمىنىڭ كريمينالدىق پوليتسيا قىزمەتكەرلەرى اقباقاي اۋىلىندا ورنالاسقان جەكەمەنشىك ءۇيدىڭ قوسالقى شارۋاشىلىعىندا جەدەل-ىزدەستىرۋ ءىس-شارالارىن جۇرگىزۋ بارىسىندا قۇرامىندا باعالى مەتالدارى بار شيكىزاتتى زاڭسىز وڭدەۋ جۇمىستارىن جۇرگىزەتىن شاعىن تسەحتى انىقتادى, دەپ حابارلايدى Egemen.kz.
«تەكسەرۋ كەزىندە قولدان جاسالعان ۇساتقىش, سىناپقا ۇقساس سۇيىقتىعى بار 3 پلاستيكالىق بوتەلكە, ازوت قىشقىلى بار كانيستر, جالپى سالماعى 116 كەلى بولاتىن ىشىندە التىندى كەنى بار 2 قاپ تابىلدى», دەپ جازىلعان حابارلامادا.وسى دەرەككە قاتىستى قر قك-ءنىڭ 295-1-بابى 1-بولىگى (باعالى مەتالدار مەن اسىل تاستاردىڭ, قۇرامىندا باعالى مەتالدار بار شيكىزات تاۋارلارىنىڭ زاڭسىز اينالىمى) بويىنشا سوتقا دەيىنگى تەرگەۋ امالدارى باستالدى.
پوليتسيا قىزمەتكەرلەرىمەن جۇرگىزىلگەن جەدەل-ىزدەستىرۋ جۇمىستارى ناتيجەسىندە 28 جاستاعى جەرگىلىكتى تۇرعىن انىقتالىپ, ۇستالدى. وعان قاتىستى ەشقايدا كەتپەۋ تۋرالى جازباشا تۇردەگى بۇلتارتپاۋ شاراسى تاڭدالدى.
قازىرگى ۋاقىتتا مەملەكەتكە كەلتىرىلگەن زالال انىقتالىپ جاتىر. بىرقاتار قاجەتتى ساراپتاما تاعايىندالدى.