استاناداعى ۇلتتىق مۋزەيدە 1976 جىلى قوستاناي قالاسىنىڭ ىرگەسىندەگى ميچۋرين اۋىلىنىڭ ەگىس دالاسىنان تابىلعان «توبىل ويشىلى» اتالعان تاس ءمۇسىننىڭ تۇپنۇسقاسى ساقتالعان. ءالى كۇنگە دەيىن «سىرى» تولىق اشىلماعان ءمۇسىننىڭ بيىكتىگى – 202 مم, سالماعى – 4 كگ.
تاس ءمۇسىن تابىلعان جەردى زەرتتەگەن ارحەولوگتەر ەجەلگى قۇرباندىق شالاتىن ورىن بولعان دەگەندى ايتادى. سونداي-اق ءمۇسىننىڭ عىلىمي سيپاتتاماسىن جازعان گ.زدانوۆيچ ەكسپوناتتى ازيانىڭ ورماندى-دالاسىنىڭ انتروپومورفتى (ادامدى بەينەلەيتىن) ءمۇسىن توبى مەن ءبىزدىڭ زامانىمىزعا دەيىنگى ءىىى مىڭجىلدىقتىڭ سوڭى مەن ءىى مىڭجىلدىقتىڭ باستاپقى كەزىنە جاتادى دەيدى. ال كەيبىر عالىمدار ونىڭ تاس داۋىرىنە تيەسىلى بولۋى مۇمكىن ەكەنىن العا تارتادى.
بۇل مۇسىندە اسپانعا قاراپ, ويعا باتقان ەر ادامنىڭ سۇلباسى بەينەلەنگەن. تاس ءمۇسىن سۇر-قوڭىر ءتۇستى ءتۇرلى تۇيىرشىكتى قۇمتاستان پيكەتتەۋ, قاشاۋ تەحنيكاسىمەن جاسالعان.