استانا قالاسى دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن ەلوردادا ءداستۇرلى «بۇرقاسىن-2023» قىسقى فەستيۆالى ءوتتى.
ءىس-شارانىڭ اشىلۋ سالتاناتىنا مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى سامات ەرعاليەۆ پەن استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ قاتىسىپ, جارىسقا قاتىسۋشىلارعا ساتتىلىك تىلەدى.
پرەزيدەنت قاسىم-جومارت توقاەۆ ءوزىنىڭ حالىققا ارناعان جولداۋىندا بارلىق جاس ساناتتارى اراسىندا بۇقارالىق سپورت تۇرلەرىن ناسيحاتتاۋ قاجەتتىگىن ايتا كەلىپ: «ونىڭ نەگىزىندە ءبىز ساۋ ءارى سانالى ۇرپاقتى, مىقتى ۇلتتى قالىپتاستىرامىز» دەگەن بولاتىن. بۇگىنگى تاڭدا وسى باعىتتا اتقارىلعان جۇمىستار از ەمەس. ءبىز ءسوز ەتىپ وتىرعان جارىس تا وسى ورايداعى ءىس-شارالاردىڭ ءبىرى.
بيىل جيىرما ءۇشىنشى مارتە ۇيىمداستىرىلىپ وتىرعان قىسقى سپورت فەستيۆالىنە 1800 قاتىسۋشى تىركەلگەن-ءدى. فەستيۆالگە قاتىسۋشىلار 10 سپورت ءتۇرى بويىنشا سىنعا ءتۇستى. ولار: شاڭعى جارىسى, گىر كوتەرۋ, ارمرەستلينگ, بەلبەۋ كۇرەسى, ارقان تارتۋ, پيمالى حوككەي, قار اتۋ, اۆتوسپورت, موتوسپورت جانە قىسقى فۋتبول.
سپورتتىق ءىس-شارا استانا قالاسىنىڭ تۇرعىندارى مەن جاستارى اراسىندا بۇقارالىق سپورتتى دامىتۋ, سالاماتتى ءومىر سالتىن ناسيحاتتاۋ ماقساتىندا وتكىزىلدى.