سوڭعى ەكى جىلدا ەلىمىزدەگى جۇزدەگەن نەوناتولوگ-دارىگەر بىلىكتىلىكتى كوتەرۋدىڭ ونلاين-فورماتىن تاڭداعان. العاشقى ونلاين-پلاتفورمانى قۇرۋعا «AYALA ونلاين-اكادەمياسى» ۇيىتقى بولىپ وتىر. 2021 جىلدىڭ اقپانىنان بەرىتەگىن بەينە-كۋرستارى بار پلاتفورمادا قازاقستاننىڭ تۇكپىر-تۇكپىرىنەن 667 دارىگەر تىركەلسە, بۇگىندە 117 دارىگەر كۋرستاردان تولىق وتكەنى تۋرالى سەرتيفيكات الدى.
2023 جىلى «AYALA ونلاين-اكادەمياسى» پلاتفورماسىندا وفتالمولوگتار, ۋدز ماماندارى مەن رەانيماتولوگ-نەوناتولوگتار ءۇشىن تاعى 4 تەگىن كۋرس پايدا بولماق.
بۇل پلاتفورمادا نەوناتولوگيا, رەانيماتولوگيا مەن پەدياتريا سالالارىنداعى جەتەكشى ماماندار وبلىستىق پەريناتالدىق ورتالىقتار, پەرزەنتحانالار مەن اۋرۋحانالارداعى ورتا بۋىن مەديتسينا قىزمەتكەرلەرى وسىنداي كۋرستارعا تەگىن ءارى وڭاي قول جەتكىزۋى ءۇشىن جۇمىس ىستەيدى. ەكى جىل ىشىندە ەكى تىلدە «وكپەنى جاساندى جەلدەتۋ جانە نارەستەلەرگە قارقىندى كۇتىم جاساۋ», «نەوناتولوگيادا ەلەكتروەنتسەفالوگرافيا مونيتورلارىن قولدانۋ», «سۋرفاكتانتتى از ءينۆازيۆتى ەنگىزۋ», «نارەستەلەردىڭ ءجىتى اسفيكسياسى مەن اۋىر گيپوكسيالىق-يشەميالىق ەنتسەفالوپاتيا», «گوسپيتالدىق ينفەكتسيا. جاڭا تاسىلدەر», «قارقىندى تەراپيا بولىمشەسىندەگى كۇتىمنىڭ نەگىزگى قاعيداتتارى», «نارەستە كۇتىمىن دامىتۋ جانە قارقىندى تەراپيا بولىمشەسىندەگى ينفەكتسيالىق باقىلاۋ» سىندى 7 كۋرس وتكىزىلگەن.
«جوبا – ەلىمىزدىڭ بارلىق نەوناتولوگتارى ءۇشىن جاڭا تۋعان بالالاردى رەانيماتسيالاۋدىڭ يننوۆاتسيالىق ادىستەرىن قولجەتىمدى ەتۋدى كوزدەيدى. قازاقستانداعى نەوناتولوگياعا ماماندانعان جالعىز قور رەتىندە AYALA كوپ جىلدان بەرى «شەۆرون» كومپانياسىمەن بىرگە پەرزەنتحانالار مەن پەريناتالدىق ورتالىقتاردىڭ دارىگەرلەرىنە وزدەرىنىڭ كاسىبي بىلىمدەرى مەن داعدىلارىن تەگىن جەتىلدىرۋگە كومەكتەسىپ كەلەدى. AYALA ونلاين-اكادەمياسىنىڭ ناتيجەلەرى دارىگەرلەردىڭ ونلاين-وقىتۋ فورماتى قولايلى ەكەنىن كورسەتتى. سەبەبى بىلىكتىلىكتى ارتتىرۋدىڭ بۇل ءادىسى ولاردىڭ جۇمىس كەستەسىنە بەيىمدەلگەن. كۋرستارعا سمارتفون,پلانشەتتەرمەن قاتىسۋعا بولادى», دەيدى AYALA قق پرەزيدەنتى ءارى ونىڭ نەگىزىن قالاۋشى ايدان سۇلەيمەنوۆا.
«شەۆرون» كومپانياسىنىڭ قوعاممەن بايلانىس ءبولىمىنىڭ ۇيلەستىرۋشىسى جانار قوشپانوۆا:«دەنساۋلىق ساقتاۋ سالاسىنداعى باعدارلامالاردى قولداۋ «شەۆرون» كومپانياسىنىڭ الەۋمەتتىك ينۆەستيتسيالارىنىڭ ستراتەگيالىق باعىتتارىنىڭ ءبىرى. ءبىز مەديتسينا مەكەمەلەرىنە زاماناۋي قۇرال-جابدىقتار ساتىپ الىپ قانا قويماي, كاسىبي تۇرعىدا جەتىلۋگە, جەرگىلىكتى مامانداردى مەديتسيناداعى سوڭعى جەتىستىكتەرگە ۇيرەتەمىز. AYALA قورىمەن بىرگە جىل سايىن وقىتۋ سەمينارلارىن وتكىزەمىز, الايدا ترەنينگتەرگە قاتىسۋشىلاردىڭ بارلىعىنا قولايلى ۋاقىتتى تاڭداۋ وتە قيىن بولعاندىقتان, «AYALA ونلاين-اكادەمياسىنىڭ» دارىگەرلەرگە جۇمىسىنان قول ۇزبەي ءبىلىم الۋعا مۇمكىندىك بەرەتىن وسىناۋ بىرەگەي جوباسى اسىرەسە, جۇمىس كەستەسى وتە تىعىز ماماندارىمىز ءۇشىن وتە ماڭىزدى», دەيدى.
«AYALA ونلاين-اكادەمياسى» پورتالىنداعى بارلىق كۋرستار بلوكتارعا بولىنگەن, بۇل ماتەريالدى يگەرۋگە كومەكتەسەدى. تىركەۋدەن كەيىندارىس اقپاراتىنا قول جەتكىزۋ 2 اي بويى اشىق بولادى. سوندىقتان كۋرستى ءتىپتى جۇمىس ورنىنداقولى قالت ەتكەندە تىڭداپ, ۇزىلگەن جەرىنەن جالعاپ وتىرۋعا بولادى. ءار دارىسكە تانىستىرىلىمماتەريالدارى ۇسىنىلادى. كۋرستى اياقتاعاننان كەيىن تىڭداۋشىلار سەرتيفيكات الادى, سونداي-اق ولاردىڭ لەكتوردان چاتتا ناقتىلايتىن سۇراق قويا وتىرىپ, كەرى بايلانىس الۋ مۇمكىندىگى بار. سونداي-اق, ءاربىر بلوكتان كەيىن جانە كۋرستىڭ سوڭىندا مىندەتتى تەست تاپسىرماسى تۇرىندە مەڭگەرىلگەن ماتەريالدى باقىلاۋ كوزدەلگەن.