قر اقپارات جانە قوعامدىق دامۋ مينيسترلىگى كەشە تۇندە جۋرناليست ۆاديم بورەيكونىڭ ارىپتەسىنە قاتىستى وقيعاعا تۇسىنىكتەمە بەردى, دەپ حابارلايدى Egemen.kz.
جۋرناليست ۆاديم بورەيكو 19 قاڭتارعا قاراعان ءتۇنى بەلگىسىز بىرەۋلەر ءۇيىنىڭ الدىنا كەلىپ, ەسىگىنە مونتاجداۋ كوبىگىن قۇيىپ كەتكەنى تۋرالى ايتقان ەدى.
ال بۇگىن ول ءوزىنىڭ Facebook پاراقشاسىندا بەلگىسىز بىرەۋلەر وپەراتورىنىڭ ەكى كولىگىن ورتەپ جىبەرگەنىن جازدى.
«20 اقپان كۇنى وپەراتورىمنىڭ ەكى كولىگىن بىرەۋلەر جارىپ كەتتى», دەدى ول.
جۋرناليست جانىپ جاتقان كولىكتەردىڭ بەينە جانە فوتو ايعاقتارىن قوسا جاريالادى.
قر اقپارات جانە قوعامدىق دامۋ مينيسترلىگى الدىڭعى بولعان وقيعاعا بايلانىستى مالىمدەمە جاسادى.
«الماتى قالاسىنىڭ ىشكى ىستەر دەپارتامەنتى سوتقا دەيىنگى تەرگەپ-تەكسەرۋ امالدارىن جاساپ, ءتيىستى ساراپتاما تاعايىندادى. ماسەلەنىڭ ءمان-جايى ناقتىلانىپ جاتىر. قر اقدم جۋرناليستىك قىزمەتكە كەدەرگى كەلتىرۋگە جول بەرمەيدى جانە بارلىق قاجەتتى كومەكتى كورسەتەدى», دەلىنگەن مالىمدەمەدە.