بۇگىن الداعى ءماجىلىس پەن ءماسليحاتتار سايلاۋىنا قاتىساتىن التى ساياسي پارتيانىڭ وكىلدەرى ءادىل سايلاۋ وتكىزۋ جونىندە مەموراندۋمعا قول قويدى. جسدپ بۇل باستامانى قولدامادى, دەپ حابارلايدى Egemen.kz.
قۇجاتقا قول قويا وتىرىپ, پارتيالار تەك قولدانىستاعى زاڭناما اياسىندا ارەكەت ەتۋگە, سونداي-اق ۇگىت-ناسيحات كەزەڭىندە اشىق باسەكە جۇرگىزۋگە ۋاعدالاستى.
«AMANAT» پارتياسىنىڭ توراعاسى ەرلان قوشانوۆ مەموراندۋم – ەلىمىزدە ادال باسەكەلەستىككە نەگىزدەلگەن جاڭا ساياسي مادەنيەت قالىپتاستىرۋ باعىتىنداعىماڭىزدى قادام ەكەنىن اتاپ ءوتتى.
«بۇل سايلاۋ تارتىستى باسەكەلەستىك جاعدايىندا وتەدى. ساياسي پارتيالار رەتىندەبىز سايلاۋشىلار الدىندا ەرەكشە جاۋاپكەرشىلىك ارقالاپ وتىرمىز. كوزقاراسىمىز ءار ءتۇرلى بولعانىمەن, ەلىمىزدىڭ دەموكراتيالىق جولمەن دامىعانىن قالايمىز. وسىنى باسشىلىققا الا وتىرىپ, «AMANAT» پارتياسى سايلاۋ پروتسەسىنىڭ بارلىق قاتىسۋشىسىنا زاڭعا سايكەس اشىق باسەكە جۇرگىزۋدى ۇسىندى», دەدى ەرلان قوشانوۆ.
وسىلايشا, ساياسي ۇيىمدار ءبىر-ءبىرىنىڭ جانە وزگە پارتيالاردىڭ اتىنان ۇسىنىلعان كانديداتتاردىڭ ار-نامىسىنا, قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن مالىمەتتەردى تاراتپاۋعا, سايلاۋ ۋچاسكەلەرىندە ءتۇرلى تەرىس قىلىقتاردى بولدىرماۋ ءۇشىن وزاراجاردەمدەسۋگە, ۇگىت-ناسيحات كەزىندە زاڭنامانى جانە حالىقارالىق ستاندارتتاردى ۇستانۋعاكەلىستى.
مەموراندۋمعا «AMANAT» پارتياسىنان ەرلان قوشانوۆ, قازاقستان حالىق پارتياسىنان – ەرمۇحامەت ەرتىسباەۆ, «قازاقستاننىڭ «اق جول» دەموكراتيالىق پارتياسىنان – ازات پەرۋاشەۆ, «اۋىل» حالىقتىق-دەموكراتيالىق پاتريوتتىق پارتياسىنان – ءالي بەكتاەۆ, قازاقستاندىق «بايتاق» جاسىلدار پارتياسىنان – ازاماتحان ءامىرتاي, «Respublica» پارتياسىنان – ايداربەك قوجانازاروۆ قول قويدى.