بۇل تۋرالى وليمپيادالىق ات سپورتى تۇرلەرى بويىنشا مەملەكەتتىك جاتتىقتىرۋشى امانجول حاسەنوۆ ونلاين-بريفينگتە حابارلادى, دەپ جازادى Egemen.kz استانا اكىمدىگىنىڭ رەسمي سايتىنا سىلتەمە جاساپ.
ەلوردادا 26 اقپان كۇنى «ارعىماق» كونكۋرسىنان اشىق كۋبوك وتەدى. جارىستىڭ جالپى جۇلدە قورى 12 ميلليون تەڭگەنى قۇرايدى. ولارعا 5 مارشرۋت بويىنشا 50-گە جۋىق شاباندوز قاتىسادى دەپ كۇتىلىپ وتىر. جەڭىمپازدار كۋبوكتارمەن, مەدالدارمەن, ديپلومدارمەن جانە سىيلىقتارمەن ماراپاتتالادى.
«اتالعان ءىس-شارانىڭ ماقساتى – سالاۋاتتى ءومىر سالتىن ناسيحاتتاۋ, استانا مەن قازاقستان رەسپۋبليكاسىندا ات سپورتىن ناسيحاتتاۋ جانە دامىتۋ; ادامداردى بەلسەندى جانە سالاۋاتتى ءومىر سالتىنا تارتۋ قۇرالى رەتىندە ات سپورتىنا قىزىعۋشىلىقتى ارتتىرۋ جانە پەرسپەكتيۆالى شاباندوزدار مەن جىلقىلاردى انىقتاۋ بولىپ سانالادى. سونىمەن قاتار حالىقارالىق ايەلدەر كۇنىنە وراي ايەلدەر كونكۋرسىن وتكىزۋ جوسپارلانىپ وتىر. ءبىز 30-عا جۋىق شاباندوز جارىسقا قاتىسادى دەپ كۇتىپ وتىرمىز. جارىستىڭ جالپى جۇلدە قورى التى ميلليون تەڭگەنى قۇرايدى», دەدى حاسەنوۆ.
استانادا «ناۋرىز» مەرەكەسى قارساڭىندا ۇلتتىق سپورت تۇرلەرى بويىنشا ات سپورتى ءىس-شارالارى وتكىزىلەدى.
2023 جىلعى 22 ناۋرىزدا «قازانات» يپپودرومىندا كوكپاردان جارىستار باستالادى, وعان استانا, قاراعاندى, پاۆلودار, پەتروپاۆل, قوستاناي قالالارىنىڭ جانە اقمولا وبلىسىنىڭ كوماندالارى قاتىسادى, اتالعان ءىس-شارانىڭ جۇلدە قورى 19,5 ملن تەڭگەنى قۇرايدى.
«جالپى ات جارىسىنىڭ وزىندىك ەرەكشەلىگى مەن ماقساتى بار. رەسمي جارىستارعا قاتىساتىن جىلقىلاردىڭ دەنساۋلىعىنا قويىلاتىن ۆەتەريناريالىق تالاپتار قولدانىستاعى ۆەتەريناريالىق زاڭناماعا جانە FEI ۆەتەريناريالىق ەرەجەلەرىنە سايكەس كەلەدى. جارىسقا كەلگەن ءاربىر جىلقى بيىلعى جانە وتكەن جىلعى ۆەتەريناريالىق وڭدەۋمەن ۆەتەريناريالىق پاسپورتپەن قامتاماسىز ەتىلۋى ءتيىس, جىلقى يەسىندە قازاقستان رەسپۋبليكاسى ات سپورتى فەدەراتسياسىنىڭ ۇلتتىق سپورت پاسپورتى بولۋى ءتيىس. FEI تالاپتارىنا سايكەس», دەپ ءتۇسىندىردى سپيكەر.
جىلقىلاردىڭ بارلىعى قازاقستان رەسپۋبليكاسىنىڭ ات سپورتى فەدەراتسياسىندا تىركەلۋى, ۇلتتىق پاسپورتى بولۋى قاجەت.