سىرتقى ساۋدا اينالىمىنىڭ ءوسىمى

ۇلتتىق ەكونوميكا مينيستر­لى­گىنىڭ حابارلاۋىنشا, رەكوردتى تاۋار اينالىمىنا قاراماستان, ەكسپورت كولەمى ايتارلىقتاي جوعارى ەمەس: 84,4 ملرد دوللار. 2021 جىلمەن سالىستىرعاندا سىرت­قى ساۋدا كولەمى – 40, 2020 جىل­مەن سالىستىرعاندا 78 پا­يىز­عا وسكەن ەكەن.

ەكسپورت وسىمىنە دەم بەرىپ تۇرعان نەگىزگى تاۋارلار – مۇناي مەن مەتالل. 2021 جىلى مۇناي ساتۋدان تۇسكەن تابىس 51 پايىزعا ءوسىپ, 46,9 ملرد دوللار بولعان (ەكسپورتتاعى ۇلەسى – 56 پايىز). مىس ساتۋ كورسەتكىشى – 15 پايىزعا (3,7 ملرد دوللار), فەرروقورىتپا – 51 پايىزعا (3,4 ملرد دوللار), ۋران – 95 پايىزعا (3,4 ملرد دوللار), مىس رۋداسى 51 پايىزعا (2,4 ملرد دوللار) ءوسىم كورسەتتى. بۇدان بولەك, سا­تى­لىم بويىنشا جوعارى ءوسىم كورسەتكەندەر قاتارىندا بيداي (+37 پايىز), مۇناي ونىمدەرى (+73 پايىز), كومىر (2,4 ەسە), مىرىش (+43 پايىز), كۇكىرت (+91 پا­يىز) بار.

رەكورد جاساۋدان يمپورت تا قالىسپايدى. ءبىر جىل ىشىندە وزگە ەلدەردەن ساتىپ العان تاۋا­رى­­مىزدىڭ جالپى قۇنى 50 ملرد دول­لار بولىپتى. وسىلاي­شا, يم­پورت كولەمى 2013 جىلدان بەر­گى (48,8 ملرد دوللار) رەكوردتى بۇزدى.

ۆەدومستۆو اقپاراتىنا سۇ­يەن­­سەك, يمپورت ءوسىمى نەگىزى­نەن ماشينا قۇراستىرۋ تاۋار­لا­رىنىڭ (+11 پايىز, 13,2 ملرد دول­لار), ترانسپورت قۇرال­دا­رى­نىڭ (+44 پايىز, 6,5 ملرد دوللار), تاماق ونەركاسىبى ونىم­دە­رىنىڭ (+19 پايىز, 4,4 ملرد دول­لار), حيميا ونەركاسىبى تاۋار­لا­رىنىڭ (+27 پايىز, 4,1 ملرد دوللار) كوبىرەك تاسىمالدانۋىمەن بايلانىستى.

مينيسترلىك 2022 جىلى قا­زاق­س­تاننىڭ سىرتقى ساۋدا­دا­عى جەتىستىگىن مۇناي جانە مەتالل با­عاسىنىڭ جوعارى بولۋىمەن بايلانىستىرادى. ۋكراي­ناداعى سوعىس سالدارىنان لوگيس­تي­كا­لىق تىزبەكتەرگە ءبىرشاما زاقىم كەلگەنىنە قاراماستان, قازاق­ستان­نىڭ سىرت ەلدەرمەن ساۋدا قاتىناسىنا سىزات تۇسە قويعان جوق.

يمپورت ءوسىمى ءوز كەزەگىندە الەم­دى شارپىعان جوعارى ين­فليا­تسيا­مەن بايلانىستى. بىل­تىر پاندەمياعا بايلانىس­تى تۋىنداعان شەكتەۋلەر مەن گەو­ساياسي تاۋەكەل سالدارىنان تۋىن­داعان قيىندىقتار شيكى­زات­تىڭ قىمباتتاۋىنا, تاسىمال قۇنىنىڭ وسۋىنە اسەر ەتتى. بۇل ءوز كەزەگىندە اقىرعى قۇننىڭ قىمباتتاۋىنا اكەلىپ سوقتى.