ەجەلگى مىسىر پەرعاۋىنى تۋتانحامون مازارىنىڭ تابىلعانىنا 100 جىل تولدى, دەپ حابارلايدى Egemen.kz.
9 جاسىندا تاققا وتىرعان پاتشا شامامەن 10 جىلدان كەيىن دۇنيەدەن وزدى. ءوز زامانىندا اتى شىقپاسا دا 3 مىڭ ءۇش ءجۇز جىل وتكەننەن كەيىن ونىڭ ەسىمى بۇكىل الەمگە ايگىلى بولدى. ويتكەنى بۇل توناۋشىلاردان امان قالعان جالعىز مازار ەدى.
ەجەلگى مىسىردىڭ ءدىني سالتى بويىنشا پەرعاۋىنداردى جەرلەگەندە و دۇنيەدە ولارعا قاجەت بولاتىن اسىل بۇيىمداردى بىرگە سالعان. ال قاراقشىلار بولسا, پاتشالار القابىنداعى بارلىق پيراميدالاردى و باستا توناپ تاستاعان. تۋتانحامون مازارىن اشقان بريتانيالىق ارحەولوگ گوۆارد كارتەر پەرعاۋىننىڭ التىن ماسكاسى, التىنمەن جالاتىلعان تابىتى جانە وزگە دە مىڭداعان باعالى زاتتاردى تاپقان.
وسى جاڭالىعى ەجەلگى مىسىر تاريحىنا, جالپى ارحەولوگياعا بۇكىل الەمنىڭ ۇلكەن قىزۋعىشىلىعىن تۋعىزىپ, عىلىمنىڭ قارقىندى دامۋىنا تۇرتكى بولدى.
سونداي-اق بىرنەشە جىل بۇرىن نيكولاس ريۆز تۋتانحامون مازارىنىڭ سۋرەتتەرىنەن وندا ەكى تۇستاعى كىرپىشتەردىڭ كەيىن سىلانعانىن بايقاپ, ەسىكتىڭ ورنى بولۋى ءتيىس دەپ بولجاعان. ول ءالى تابىلماعان نەفەرتيتي پاتشايىمىنىڭ قابىرى بولۋى مۇمكىن. وسىدان كەيىن وسى تۇستى سكانەرلەۋ جونىندە شەشىم قابىلداندى.
ەسكە سالا كەتسەك, تۋتانحامون مازارى 1922 جىلى تابىلدى.