يراننىڭ مەملەكەتتىك سالتاناتى

يران يسلام رەسپۋبليكاسىنىڭ باس كونسۋلى موحسەن فاعاني قوناقتارعا ىستىق ىقىلاسى مەن مەملەكەت ءۇشىن ماڭىزدى كەشكە قاتىسقاندارى ءۇشىن العىس ءبىلدىردى. «دۇنيە ءجۇزى حالقىنىڭ شامامەن 1 پايىزىن قۇرايتىن 85 ملن حالقى بار يران بۇگىندە دۇنيە جۇزىندەگى پايدالى قازبالار قورىنىڭ 7 پايىزىنا يە. شى­عىس پەن باتىس, سولتۇستىك پەن وڭتۇستىك ارا­سىن­داعى ەرەكشە گەوگرافيالىق جاعدايىنىڭ ارقا­سىندا ۇلكەن ۇلتتىق جانە ايماقتىق نارى­عى, ۇزىن تەڭىز جاعالاۋلارى, ءارتۇرلى اۋىلشارۋا­شى­لىق ونىم­دەرگە باي قۇنارلى جەرى بار يران جاھان­دىق قو­عام­داستىقپەن ىنتىماقتاستىقتا ايتار­لىق­تاي ناتيجەگە قول جەتكىزىپ وتىر», دەدى باس كونسۋل.

سالتاناتتى ءىس-شاراعا سىرتقى ىستەر مي­نيستر­­­لىگىنىڭ وكىلدەرى دە قاتىستى. مينيستر­لىك­تىڭ الماتى قالاسىنداعى وكىلدىگىنىڭ باسشىسى باقىت­­جان بولەگەنوۆ يران يسلام رەسپۋب­لي­كا­­سىن ۇلتتىق كۇنىمەن جانە يسلام رەۆوليۋ­تسيا­سى­نىڭ 44 جىلدىعىمەن قۇتتىقتا­دى. وتكەن جىلى قازاقستان مەن يران اراسىن­داعى ديپلوما­تيالىق قاتىناستاردىڭ ورناعانىنا 30 جىل تولدى.

«2022 جىلدىڭ ماۋسىم ايىندا قازاقستان پرەزيدەنتى قاسىم-جومارت توقاەۆ يران يسلام رەسپۋبليكاسىنا العاشقى رەسمي ساپارىن جاسادى. بۇل ساپار قازاقستان-يران قاتىناستارىن جاڭا دەڭگەيگە كوتەرىپ, ەكىجاقتى ىنتىماقتاستىقتى دامىتۋعا وڭ سەرپىن بەردى. ساپار قورىتىندىسى بويىنشا 2022 جىلعى شىلدەدە يران ازاماتتارى ءۇشىن 14 كۇنگە دەيىنگى مەرزىمگە ۆيزاسىز رەجىم كۇشىنە ەندى, ال قاراشادان باستاپ قازاقستان ازاماتتارى ءۇشىن دە وسىنداي جەڭىلدىك ەنگىزىلدى. سامارقاندتا وتكەن شانحاي ىنتىماقتاستىق ۇيىمىنىڭ ءسامميتى اياسىندا مەملەكەتتەر باسشىلارىنىڭ كەزدەسۋى ءوتتى, ال 2022 جىلدىڭ قازان ايىندا يران پرەزيدەنتى يبراحيم رايسي قازاقستاننىڭ ەلورداسى استانا قالاسىندا بولدى. بيىل قاڭتار ايىندا وتكەن ساۋدا-ەكونوميكالىق, عىلىمي-تەحنيكالىق جانە مادەني-گۋمانيتارلىق ىنتىماقتاستىق جونىندەگى ۇكىمەتارالىق كوميسسيانىڭ 18-وتىرىسىنىڭ قورىتىندىلارى بارلىق سالاداعى ءوزارا ءىس-قيمىلدىڭ ودان ءارى ءوسۋىن وتە جوعارى سەنىممەن بولجاۋعا مۇمكىندىك بەرەدى», دەدى باقىتجان ەرعالي ۇلى.

الماتى