ىزدەۋ-قۇتقارۋ جۇمىستارى جۇرگىزىلە باستاعان كۇننەن باستاپ قازاقستان تجم قۇتقارۋشىلارى 7 ادامدى قۇتقارىپ, مەديتسينا قىزمەتكەرلەرىنە تاپسىردى. قايتىس بولعان 80 ادامنىڭ, ونىڭ ىشىندە 7 بالانىڭ دەنەسى ءۇيىندى استىنان شىعارىلدى, دەپ حابارلايدى Egemen.kz.
تجم حابارلاعانداي, قازىرگى ۋاقىتتا قازاقستان قۇتقارۋشىلارى ىزدەۋ-قۇتقارۋ جۇمىستارىن جالعاستىرىپ جاتىر.
قۇتقارۋشىلاردىڭ ءبىر توبى توعىز قاباتتى عيماراتتا جۇمىس ىستەپ جاتىر. عيمارات تولىعىمەن قيراعان. ۇيىندىلەردىڭ اراسىنان ادامداردى ىزدەۋ جۇمىستارى جالعاستىرىلىپ جاتىر. بۇل جەردە ۇيىندىلەردىڭ استىنان 4 ادام قۇتقارىلدى, قازا تاپقان 22 ادامنىڭ دەنەسى شىعارىلدى.
قۇتقارۋشىلاردىڭ باسقا توبى التى قاباتتى عيماراتتا جۇمىس جۇرگىزىپ جاتىر. عيمارات تولىعىمەن قيراعان. ۇيىندىلەردىڭ اراسىنان ادامداردى ىزدەۋ جۇمىستارى جۇرگىزىلىپ, قايتىس بولعان 24 ادامنىڭ دەنەسى شىعارىلدى.
قازاقستان تجم اپاتتار مەديتسيناسى ورتالىعىنىڭ دارىگەرلەرى زارداپ شەككەن ادامدارعا تاۋلىك بويى العاشقى مەديتسينالىق كومەك كورسەتىپ جاتىر. كۇنىنە ورتا ەسەپپەن 35-تەن استام زارداپ شەككەن ادام مەديتسينالىق كومەككە جۇگىنەدى. ولاردىڭ ىشىندە سترەسستىڭ جەدەل رەاكتسياسىمەن, تىنىس الۋ جولدارىنىڭ اۋرۋلارىمەن, سونداي-اق ءارتۇرلى جاراقاتتارمەن بايلانىستى اۋرۋلار باسىم.