قالالىق اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان سوتى پاۆلودار وبلىسى ءىىد بۇرىنعى باستىعىنا قاتىستى ەكى ءىستى قارادى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
وعان بيۋدجەت قاراجاتىن ءتيىمسىز جوسپارلاعان جانە يگەرگەن دەگەن ايىپ تاعىلدى.
«2021 جىلى دەپارتامەنت 18 قىزمەتتىك جىلقىعا جەم-شەپ ساتىپ الۋعا 60,9 ملن تەڭگە بولگەنىن انىقتادى. الايدا ول نورمانى بۇزا وتىرىپ, نورمادان تىس 10,7 ملن تەڭگەنى جوسپارلاعان. ياعني 2022 جىلى جەم-شوپكە 13,4 ميلليون تەڭگە بولىنسە, 8,5 ميلليون تەڭگە نورمادان ارتىق قوسىلعان. سوتتا ءتيىمسىز جوسپارلاۋ بيۋدجەت اقشاسىنىڭ ءتيىمسىز جۇمسالۋىنا اكەلدى دەگەن شەشىم شىعاردى. سونىمەن قاتار وبلىستىق پوليتسيا دەپارتامەنتىنىڭ بۇرىنعى باسشىسىنىڭ كىناسى اكىمشىلىك قۇقىق بۇزۋشىلىق تۋرالى حاتتامالارمەن, تەكسەرۋ اكتىسىمەن, تەكسەرۋ كوميسسياسىنىڭ ماتەريالدارىمەن, ايعاقتارمەن جانە سوت زەرتتەگەن باسقا دا دالەلدەمەلەرمەن دالەلدەنگەن. سوت قر اقبتك-ءنىڭ 234-1 بابى بويىنشا كىنالىگە ءار ءىس بويىنشا 214,4 مىڭ تەڭگە ايىپپۇل سالدى», دەپ حابارلادى سوتتىڭ ءباسپاسوز قىزمەتى.
سونداي-اق سوت پاۆلودار وبلىسى بويىنشا تەكسەرۋ كوميسسياسىنا اكىمشىلىك قۇقىق بۇزۋشىلىق تۋرالى حاتتاما جاساۋ كەزىندە پروتسەسسۋالدىق نورمالاردى بۇزعانى ءۇشىن جەكە ۇيعارىم شىعاردى.
ەسكە سالايىق, وتكەن جىلدىڭ شىلدە ايىندا ىزدەۋدە جۇرگەن پوليتسيا گەنەرال-مايورى نۇرلان ءماسىموۆ شەكارادان وتپەك بولعان كەزىندە ۇستالعان. سىبايلاس جەمقورلىققا قاتىستى قىلمىستار جاسادى دەپ ايىپتالىپ, وعان قر اقبتك-ءنىڭ ءبىر بابى بويىنشا تاعى ەكى ءىس قوزعالدى. بيىلعى جىلدىڭ قاڭتار ايىندا پوليتسيا باسقارماسىنىڭ ەكس-باسشىسىنا قاتىستى ىستەر قارالدى. پاۆلودار وبلىسىنىڭ مامانداندىرىلعان اكىمشىلىك سوتىنىڭ ۇيعارىمىمەن نۇرلان ءماسىموۆ قىزمەتىنەن ۋاقىتشا شەتتەتىلدى. كەيىن نۇرلان ءماسىموۆتىڭ ءىسى پاۆلودار قالاسىنىڭ قىلمىستىق ىستەر جونىندەگى مامانداندىرىلعان سوتىنا قايتارىلدى.