كەشە 18 اقمولالىق قۇتقارۋشى تۇركياداعى جەر سىلكىنىسىنىڭ سالدارىن جويۋعا اتتاندى, دەپ حابارلايدى Egemen.kz.
اقمولا وبلىسى تجد ءباسپاسوز قىزمەتىنىڭ مالىمەتىنشە, قۇتقارۋشىلار بارلىق قاجەتتى قۇرالدارمەن جانە كەرەك-جاراقتارمەن جابدىقتالعان. ءوڭىر تجد باستىعى اتاپ وتكەندەي, باستى مىندەت – ۇيىندىلەر استىندا زارداپ شەككەندەردى ىزدەۋ جانە باسقا دا اۆاريالىق-قۇتقارۋ جۇمىستارىن جۇرگىزۋ.
«سىزدەردى باۋىرلاس حالىققا بارىنشا كومەك كورسەتۋگە اتتاندىرامىز. قاۋىپسىزدىك ەرەجەلەرىن قاتاڭ ساقتاۋدى سۇرايمىن. ەڭ باستىسى وزدەرىڭىزگە ساق بولىڭىزدار. اق جول, ساپارلارىڭىز وڭ بولسىن جانە امان-ەسەن ورالىڭىزدار», دەدى اقمولا وبلىسى تجد باستىعى نۇرلان اتىعاەۆ.