الماتى اكىمدىگى ءتيىستى مالىمدەمە جاسادى. 9 اقپاندا قالا كوشەلەرىندە ءوتىپ جاتقان فيلم تۇسىرىلىمىنە بايلانىستى № 22 جانە № 80 ەكى اۆتوبۋستىڭ مارشرۋتتارى ۋاقىتشا وزگەرەدى, دەپ حابارلايدى Egemen.kz.
9 اقپان كۇنى ساعات 06:00-دەن 21:00-گە دەيىن مارشرۋتتار كەلەسىدەي وزگەرەدى:
№80 - سولتۇستىك باعىتتا – ماناس كوشەسى-شەۆچەنكو كوشەسى-اۋەزوۆ كوشەسى – گوگول كوشەسى – بايزاقوۆ كوشەسى-بۇدان ءارى سحەما بويىنشا, كەرى باعىتتا – بايزاقوۆ كوشەسى-گوگول كوشەسى – اۋەزوۆ كوشەسى-تولە بي كوشەسى-بايزاقوۆ كوشەسى-بۇدان ءارى سحەما بويىنشا;
№ 22 – وڭتۇستىك باعىتتا – اۋەزوۆ كوشەسى – گوگول كوشەسى – بۇدان ءارى سحەما بويىنشا, كەرى باعىتتا-گوگول كوشەسى-اۋەزوۆ كوشەسى-بۇدان ءارى سحەما بويىنشا.
قالالىق ۆەدومستۆونىڭ ءباسپاسوز قىزمەتى الماتىدا كوركەم فيلم ءتۇسىرۋ جۇمىستارى اياقتالىپ جاتقانىن ەسكە سالدى.
اكىمدىك وكىلدەرى ناقتىلاعانداي, فيلم تۇسىرۋگە جاۋاپتى كومپانيا جاقىن ماڭداعى ۇيلەردىڭ تۇرعىندارىن الدىن الا ەسكەرتكەن.