قازاقستان تجم قۇتقارۋشىلارىنىڭ تاعى ءبىر بورتى جويقىن جەر سىلكىنىسىنىڭ سالدارىن جويۋعا كومەك كورسەتۋ مۇمكىندىكتەرىن كەڭەيتۋ ءۇشىن تۇركياعا ۇشادى. ءتيىستى تاپسىرمانى قازاقستان پرەزيدەنتى قاسىم-جومارت توقاەۆ بەردى, دەپ حابارلايدى Egemen.kz توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
ەكىنشى ەشەلون قۇرامىندا جەكە قۇرامنان 60 ادام, ولاردىڭ ىشىندە تجم قۇتقارۋشىلارى, اپاتتار مەديتسيناسى ورتالىعىنىڭ دارىگەرلەرى, كينولوگيالىق ەسەپتەرى بار.
تجم جەدەل ارەكەت ەتۋ كۇشتەرىندە اۆاريالىق-قۇتقارۋ قۇرالدارى مەن جابدىقتاردىڭ 150-گە جۋىق جانە ءدارى-دارمەكتەردىڭ 160-تان استام ءتۇرى بار.
جەر سىلكىنىسىنىڭ سالدارىن جويۋ جونىندەگى ورتالىق شتابپەن كەلىسە وتىرىپ, قازاقستان تجم ەكىنشى توبى گازيانتەپ قالاسىنداعى ىزدەستىرۋ-قۇتقارۋ جۇمىستارىنا قوسىلاتىن بولادى. تۇركياعا تارتىلعان قازاقستاندىق قۇتقارۋشىلاردىڭ جالپى سانى 100 ادامدى قۇرايدى.