ەەك كوميسسياسىنىڭ باسقوسۋى

وسىعان دەيىن ەۋرازيالىق ەكونو­مي­كالىق كوميسسيانىڭ كەڭەسى تاۋارلار ەاەو-دا وندىرىلگەن بولىپ ەسەپ­تە­لەتىن جانە وداق مەملەكەتتەرىندە تاعى 55 تاۋار پوزيتسياسى بويىنشا مەملەكەتتىك ساتىپ الۋعا جىبەرىلەتىن ءوندىرىس شارتتارىن بەكىتكەنى تۋرالى جازعانبىز. «مەملەكەتتىك ساتىپ الۋ­دى جۇزەگە اسىرۋ ءۇشىن جەكەلەگەن تاۋار تۇرلەرىنىڭ شىعارىلعان ەلدى ايقىنداۋ قاعيدالارىنا» №1 قو­سىم­شاعا ءتيىستى وزگەرىستەر ەنگىزىلدى. بۇل ونىمدەرگە اەرودروم تراكتورلارى, 3D پرينتەرلەر, ميكروفوندار, داۋىس زورايتقىشتار, تەلەفوندار, دىبىستىق جۇيەلەر, قۇرىلعىلار مەن كومپيۋتەرلىك قۋات كوزدەرىنە ارنالعان تىزبەكتەر, سكانەرلەر, بيومەتريالىق جۇيەلەر, جارىق ديودتارى, تالشىقتى-وپتيكالىق كابەلدەر, تىنىس الۋ اپپاراتتارى جانە باسقا دا ونىمدەر كىرەدى. جالپى, ەنگىزىلگەن وزگەرىستەر بەس سالانى قامتىدى: ستانوك جاساۋ, ارنايى ماشينا جاساۋ, مەديتسينالىق ماقساتتاعى بۇيىمدار, مۋزىكالىق اسپاپتار ءوندى­رىسى, سونداي-اق اۋديوتەحنيكا, ەلەكترونيكا جانە راديوەلەكترونيكا. بارلىق شارت پەن وندىرىستىك وپەراتسيا ەاەو ەلدەرىنىڭ ۋاكىلەتتى ورگاندارىمەن جانە بيزنەسىمەن كەلىسىلگەن.

ەەك كەڭەسى تۇسقاعاز ءوندىرىسىنىڭ يلەم­دەلگەن پوليۆينيلحلوريدىنە ار­نال­عان كەدەندىك اكەلۋ باجىنىڭ ستاۆكاسىن قوسا العاندا 2024 جىلعى 29 اقپانعا دەيىن ۋاقىتشا نولگە ءتۇسىرۋ تۋرالى شەشىم قابىلدادى.

ەاەو كارانتيندىك وبەكتىلەرىنىڭ بىرىڭعاي تىزبەسى زياندى ورگانيزمنىڭ جاڭا تۇرىمەن تولىقتىرىلدى, تۇقىم­دىق جانە وتىرعىزاتىن ماتەريال اتال­عان كارانتيندىك وبەكتىدەن بوس بولۋعا ءتيىس ەكەنى تۋرالى تالاپ بەلگىلەندى.

ەەك كەڭەسى وسىعان دەيىن سايكەستىكتى باعالاۋدىڭ تيپتىك سحەمالارىنا وزگە­رىس­تەر­دى بەكىتكەن ەدى. بۇل شەشىم وسى سالادا ۇيىمداستىرۋشىلىق-وكىم ەتۋشىلىك سيپاتىندا جاقسارتۋ ءۇشىن جاعدايلار جاسايدى. ولار وداقتىڭ سايكەستىكتى باعالاۋ تۋرالى قۇجاتتارىنا (سەرتيفيكاتتارى مەن دەكلاراتسيالارىنا) زاڭدى تۇلعانىڭ اتاۋى نەمەسە دارا كا­سىپكەردىڭ تەگى مەن اتى-ءجونى وزگەر­گەن كەزدە, سونداي-اق ءوندىرىستىڭ ناق­تى­لى ورنى وزگەرمەگەن جاعدايدا ءونىم وندىرىلەتىن جەردىڭ مەكەنجايىنىڭ جەكەلەگەن دەرەكتەمەلەرى وزگەرگەن كەزدە ء(سوز قالا, كوشە اتاۋىنىڭ وزگەرۋى, پوش­تا يندەكسىنىڭ, ءۇي ءنومىرىنىڭ وزگەرۋى تۋرالى بولىپ وتىر) ۇتىمدى تۇزەتۋلەر ەنگىزۋگە مۇمكىندىك بەرەدى. بۇل ەاەو ەلدەرىنىڭ ءىس باسىنداعى شارۋاشىلىق جۇر­گىزۋشى سۋبەكتىلەرىنىڭ جۇمىسىن جە­ڭىلدەتەدى.

ەەك باسەكەلەستىك جانە مونوپولياعا قارسى رەتتەۋ ءمينيسترى باقىت سۇلتا­نوۆ­تىڭ ايتۋىنشا, ەەك كەڭەسىنىڭ شەشىمى وداق ەلدەرى وندىرۋشىلەرىنىڭ ءبىر-ءبىرىنىڭ مەملەكەتتىك ساتىپ الۋلارىنا قاتىسۋ مۇمكىندىكتەرىن ايتار­لىقتاي كەڭەيتەدى.

«قابىلدانعان شارتتار مەن تەح­نو­لوگيالىق وپەراتسيالار وداق مەم­لە­كەتتەرىندە قۇرىلعان قۋاتتاردى ءون­دىرىس پروتسەسىندە بارىنشا پاي­دا­لا­نۋ­عا مۇمكىندىك بەرەدى. بۇل يم­پورتتى ال­­ماستىرۋ جانە ءوندىرىستى كوشىرۋ جاع­دايىندا ماڭىزدى», دەپ ءتۇسىندىردى مينيستر.

ب.سۇلتانوۆ ايتىپ وتكەندەي, جيىن­نىڭ وزەكتى ماسەلەلەرى مەن باسىم­دىق­تا­رى – مەملەكەتتىك ساتىپ الۋ سا­لا­­سىنداعى تسيفرلاندىرۋ, وداق زاڭنا­ما­سىن جەتىلدىرۋ ماسەلەلەرىن شەشۋ, اتاپ ايتقاندا, بانكتىك كەپىل­دىك­تەر مەن ەلەكتروندى تسيفرلىق قول­تاڭ­با­نى ءوزارا تانۋ.

ء«بىز كۇنى بۇگىنگە دەيىن بىرقاتار ما­سەلە بويىنشا ىمىراعا كەلەتىن شە­شىم­دەردى تالقىلادىق. بۇل كەلىسىمگە كەلە الماي جاتقان ماسەلەلەردىڭ العا جىل­جۋىنا مۇمكىندىك بەرەدى», دەدى ب.سۇلتانوۆ.

بەلارۋس مونوپولياعا قارسى رەتتەۋ جانە ساۋدا ءمينيسترىنىڭ ورىنباسارى اندرەي كارتۋن بانكتىك كەپىلدىكتەردى ءوزارا تانۋ تۋرالى كەلىسىمگە قول قويۋ مارەگە جاقىنداپ قالعانىن, بىرقاتار ماسەلە تاعى دا تالقىلاۋدى قاجەت ەتە­تىنىن ايتتى. ونىڭ سوزىنشە, بۇل ماسەلە بەلارۋس بانكتەرى مەن سۋبەك­تى­لەرى ءۇشىن ءىشىنارا شەشىلگەن. بۇگىندە جەتى بەلارۋس بانكى رەسەي نارىعىنا بانكتىك كەپىلدىكتەر بەرەدى.

ارمەنيا بىرجاقتى تارتىپتە ەاەو ەلدەرىنىڭ بانكتىك كەپىلدىكتەرىن قا­بىل­داۋدى باستاپ كەتىپتى. ارمەنيا قار­جى ءمينيسترىنىڭ ورىنباسارى اۆاگ اۆانەسيان وداققا مۇشە ەلدەردىڭ ور­تا­لىق بانكتەرىنىڭ ليتسەنزيالارى ارمەنيا ءۇشىن جارامدى دەدى. «بىزگە وداققا مۇشە ەلدەردىڭ ورتاق شەشىمگە كەلگەنى ءتيىمدى. سول كەزدە عانا ەەك كەڭىستىگىندە مەملەكەتتىك ساتىپ الۋ جۇيەسىن قالىپتاستىرا الامىز», دەپ اتاپ ءوتتى ول.

الماتى