شقو-دا ينتەرنەت الاياقتار توبى ۇستالدى

شىعىس قازاقستان وبلىسى پد كريمينالدىق پوليتسيا باسقارماسىنىڭ قىزمەتكەرلەرى ماقساتتى ءىس-شارالار وتكىزۋ ناتيجەسىندە 2022 جىلدىڭ قاڭتارىنان باستاپ ينتەرنەت جەلىسى ارقىلى الاياقتىقپەن اينالىسقان قىلمىستىق توپتى ۇستادى.

بيىلعى جىلدىڭ 19 قاڭتارىندا ءتارتىپ ساقشىلارى وسكەمەن قالاسىندا قىلمىستىق ارەكەتتى ۇيىمداستىرعان ادامدى ۇستاعان, ول 28 جاستاعى قالا تۇرعىنى بولىپ شىقتى. سونداي-اق ونىڭ 22 جانە 27 جاستاعى كومەكشىلەرى بولعانى انىقتالدى.

كۇدىكتىلەر Instagram الەۋمەتتىك جەلىسىندە جالعان ء«بىر كۇندىك» اككاۋنت اشىپ, وندا «ونلاين نەسيە رەسىمدەۋگە كومەك» تۋرالى حابارلاندىرۋلار ورنالاستىرعان. ءارى قاراي جالعان حابارلاماعا الدانعان تۇلعالاردىڭ اتىنا تاۋارلىق كرەديتتەر رەسىمدەلگەن. قازىرگى ۋاقىتتا قازاقستاننىڭ ءارتۇرلى وڭىرلەرىندە جانە شىعىس قازاقستان وبلىسىندا تۇراتىن 109 جابىرلەنۋشى انىقتالعان.

كۇدىكتىلەردىڭ تۇرعىلىقتى جەرىنە ءتىنتۋ ءىس-شارالارىن جۇرگىزۋ بارىسىندا تەڭگەرىمىنە 60-تان استام تۇلعالاردان تولىقتىرۋلار جاسالعان ۇيالى تەلەفوندار, ءتۇرلى بانكتەردىڭ بانكتىك كارتالارى, ۇيالى بايلانىس وپەراتورىنىڭ Simply كارتالارى تاركىلەنگەن.

جەدەل-تەرگەۋ ءىس-ارەكەتتەرىن جۇرگىزۋ بارىسىندا ولار قىلمىس جاساۋ ءۇشىن 253 ءموبيلدى قۇرىلعى مەن ۇيالى وپەراتورلاردىڭ 573 ابونەنتتىك ءنومىرىن پايدالانعانى انىقتالدى.سونىمەن قاتار جۇرگىزىلگەن تەرگەۋ ارەكەتتەرى بارىسىندا كۇدىكتىلەر جابىرلەنۋشىلەرگە نەسيە رەتىندە رەسىمدەلگەن تەلەديدار, پلانشەت, ۇيالى تەلەفونداردى وسكەمەن قالاسىنىڭ لومباردتارى مەن كوميسسيالىق دۇكەندەرىنە وتكىزگەندەرى انىقتالدى, پوليتسيا وتكىزىلگەن تاۋارلاردىڭ جازبالارى بار جۋرنالدار سياقتى زاتتاي دالەلدەمەلەردى تاركىلەدى.

كريمينالدىق پوليتسيا قىزمەتكەرلەرى وسىنداي قىلمىستارعا قاتىستىلىعىن انىقتاۋ ماقساتىندا باسقا وبلىستارعا باعدار جولدادى.

كۇدىكتىلەرگە قاتىستى قر قق-ءنىڭ 190-بابى 3-بولىگى 4-تارماعى (الاياقتىق) بويىنشا سوتقا دەيىنگى تەرگەۋ باستالدى. تەرگەۋ ءىس شارالارى جالعاسىپ جاتىر.