FlyArystan اۋەكومپانياسى استانا - انكارا باعىتى بويىنشا بيلەتتەر ساتىلىمىنىڭ باستالعانى تۋرالى حابارلادى, دەپ جازادى Egemen.kz اۋەتاسىمالداۋشىنىڭ ءباسپاسوز قىزمەتىنە سىلتەمە جاساپ.
استانادان تۇركيا استاناسىنا اپتا سايىنعى رەيستەر 23 مامىردان باستاپ سەيسەنبى جانە سەنبى كۇندەرى ورىندالادى. ۇشۋ ۇزاقتىعى شامامەن بەس ساعاتتى قۇرايدى. بيلەتتەر ءبىر جاققا 43 560 تەڭگەدەن باستالادى (بورتتاعى كەزدەيسوق ورىن جانە 5 كەلىگە دەيىنگى ءبىر قول جۇگى كىرەدى).
«استانادان بولەك, تۇركيا استاناسىنا شىمكەنت, سەمەي, قىزىلوردا, اقتاۋ جانە قازاقستاننىڭ باسقا دا قالالارىنىڭ تۇرعىندارى ۇشا الادى. ول ءۇشىن ءبىز حالىققا ىڭعايلى باعانى ۇسىنۋعا دايىنبىز», دەلىنگەن حابارلامادا.