27 قاڭتاردان باستاپ شەتەلدىك نومىرلەرى بار كولىكتەر تەحنيكالىق تەكسەرۋدەن وتە الادى, دەپ حابارلايدى Egemen.kz.
يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە, شەتەلدىك اۆتوكولىك قۇرالدارىنىڭ يەلەرى نەمەسە جۇرگىزۋشىلەرى 1 815 تەحنيكالىق تەكسەرۋ ورتالىقتارىنىڭ كەز كەلگەنىندە مىندەتتى تەحنيكالىق تەكسەرۋدەن وتە الادى.
ورتالىقتاردىڭ مەكەنجايلارى مەن جۇمىس كەستەلەرى يندۋستريا جانە ينفراقۇرىلىمدىق دامۋ مينيسترلىگىنىڭ سايتىندا كورسەتىلگەن.
2022 جىلدىڭ 30 جەلتوقسانىندا «مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا قر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭعا قول قويىلدى. بۇل رەتتە «جول قوزعالىسى تۋرالى» زاڭنىڭ 88-بابىنىڭ 1-بولىگىنە باسقا مەملەكەتتەردە تىركەلگەن جانە قازاقستاندا جۇرەتىن اۆتوكولىك قۇرالدارىن مىندەتتى تەحنيكالىق بايقاۋدان وتكىزۋ بولىگىنە تولىقتىرۋلار ەنگىزىلگەن.