بۇل تۋرالى قاسىم-جومارت توقاەۆ پارلامەنت سەناتىنىڭ وتىرىسىندا ايتتى, دەپ حابارلايدى Egemen.kz.
«بىرنەشە اپتادان كەيىن ساياسي ناۋقان باستالادى. كانديداتتار ۇگىت-ناسيحات جۇمىسىنا كىرىسەدى. ولار داۋىس جيناۋ ءۇشىن ءتۇرلى تاسىلدەردى قولدانادى. بۇل – قالىپتى دەموكراتيالىق ۇدەرىس», دەدى پرەزيدەنت.
ونىڭ ايتۋىنشا, قازاقستاندا پىكىر الۋاندىعىنا ەشقانداي شەكتەۋ قويىلمايدى. زاڭعا قايشى كەلمەيتىن بارلىق ءىس-ارەكەتكە رۇقسات بەرىلەدى.
«دەگەنمەن, ءبىر نارسەنى ءبارىمىز قاپەردە ۇستاۋىمىز كەرەك. سايلاۋ ەلدى بولەتىن ەمەس, بىرىكتىرەتىن ناۋقان بولۋى كەرەك. تاعى دا ايتقىم كەلەدى: ۇمىتكەرلەر قوعامعا ىرىتكى سالاتىن ارەكەتتەن اۋلاق بولعانى ءجون. اڭداماي ايتىلعان ارتىق ءسوز نەمەسە ويلانباي جاسالعان وقىس قادام بۇكىل ەلدىڭ بولاشاعىنا كەسىرىن تيگىزەدى. ءاربىر وتانداسىمىز وسىنى دۇرىس تۇسىنۋگە ءتيىس», دەدى مەملەكەت باسشىسى.