الاكول اۋدانىنداعى ء«ۇشارال-دوستىق» اۆتوجولىندا اۋا رايىنىڭ قولايسىزدىعىنا بايلانىستى قار قۇرساۋىندا قالعان 9 ادام ەۆاكۋاتسيالاندى, دەپ حابارلايدى Egemen.kz جەتىسۋ وبلىسى تجد ءباسپاسوز قىزمەتىنە سىلتەمە جاساپ.
«بۇگىن تاڭعى ساعات 9.00-دە «ىرعايتى» ۋچاسكەسىنەن 3 اۆتوكولىكتىڭ سالونىنان 9 ادام قۇتقارىلىپ, دوستىق ستانتسياسىنا جەتكىزىلدى. قۇتقارىلعانداردىڭ ەشقايسىسىنا مەديتسينالىق كومەك قاجەت بولمادى», دەلىنگەن حابارلامادا.
ەستەرىڭىزگە سالا كەتسەك, 22 قاڭتار كۇنى ساعات 18.00-دە اۋا رايىنىڭ ناشارلاۋىنا بايلانىستى جول قىزمەتتەرىمەن ء«ۇشارال-دوستىق» رەسپۋبليكالىق ماڭىزى بار اۆتوجولىندا بارلىق اۆتوكولىك تۇرلەرى ءۇشىن قوزعالىستى جابۋ تۋرالى شەشىم قابىلداندى.
قار قۇرساۋىنا تۇسكەن اۆتوكولىكتەر جول جابىلعانعا دەيىن وسى اۆتوجولعا شىعىپ كەتكەنى انىقتالدى.