ۆەتەريناريالىق باقىلاۋ جانە قاداعالاۋ كوميتەتىنىڭ توراعاسى اسقار جاقىپباەۆ ۆەتەرينارلار تاپشىلىعىنا بايلانىستى جاعدايدى تۇزەتۋ بويىنشا جاسالىپ جاتقان شارالار تۋرالى ايتتى, دەپ حابارلايدى Egemen.kz.
«قازىر رەسپۋبليكادا 15 مىڭ مال دارىگەرى جۇمىس ىستەيدى. ازىرگە 500 مامان تاپشى بولىپ تۇر», دەدى اسقار جاقىپباەۆ اۋىل شارۋاشىلىعى مينيسترلىگى القاسىنىڭ كەڭەيتىلگەن وتىرىسىندا.
ونىڭ ايتۋىنشا, وتكەن جىلى ۇكىمەت رەزەرۆىنەن ۆەتەرينارلاردىڭ جالاقىسىن كوتەرۋگە قاراجات بولىنگەن.
«بىزدە ۆەتەرينارلار جەتىسپەيدى. بۇگىنگى تاڭدا اۋىل شارۋاشىلىعىندا ەڭ تومەنگى جالاقى ۆەتەرينارلار اراسىندا. بيۋدجەتتەن جانە ۇكىمەت رەزەرۆىنەن 6,1 ملرد تەڭگە بولىنگەن. سونىمەن قاتار جەرگىلىكتى اكىمدىكتەر تاراپىنان قارجى ءبولىنىپ, وسى شارالاردىڭ ارقاسىندا ەڭبەكاقى 50%-عا ءوستى. بيىل ونى 35%-50%-عا كوتەرۋ جوسپاردا بار», دەدى اسقار جاقىپباەۆ.