الماتى قالاسى بويىنشا سىبايلاس جەمقورلىققا قارسى كۇرەس دەپارتامەنتى «مەدەۋ» ساياباعىنىڭ ديرەكتورى الماس اتتاپحانوۆتى, ونىڭ ورىنباسارى الماس ايقىمباەۆ پەن ۇيىمداستىرۋ-قۇقىقتىق ءبولىمىنىڭ باسشىسى اسقار جاناەۆتى ۇستادى, دەپ حابارلايدى Egemen.kz.
«كاسىپكەرلىك سۋبەكتىسىنەن بۇرىن جاسالعان مەملەكەتتىك ساتىپ الۋ تۋرالى شارتتار بويىنشا ورىندالعان جۇمىس اكتىلەرىنە قول قويۋ ءۇشىن پارا الۋ فاكتىسى بويىنشا لاۋازىمدى تۇلعالارعا قاتىستى سوتقا دەيىنگى تەرگەۋ امالدارى جۇرگىزىلىپ جاتىر», دەلىنگەن حابارلامادا.
ۆەدومستۆودا اتاپ وتىلگەندەي, قازاقستان رەسپۋبليكاسى قىلمىستىق كودەكسىنىڭ 201-بابىنا سايكەس قىلمىستىق ءىس بويىنشا وزگە مالىمەتتەر جاريا ەتۋگە جاتپايدى.