جازۋشى كىتابى انكارادا تانىستىرىلدى

مازمۇندى ءىس-شاراعا تۇركسوي-دىڭ باس حاتشىسى سۇلتان راەۆ, ەۋرا­زيا جا­زۋ­شىلار وداعىنىڭ تور­­­اعاسى ياكۋپ ومەروعلۋ, قازاق­ستان مادەنيەت جانە ساۋ­دا ورتالىعى تور­­اعا­سىنىڭ ورىن­باسارى, دۇ­نيەجۇزى قا­­زاقتارى قا­ۋىم­داس­تى­عى­نىڭ تۇركيا­داعى وكىلى ەر­جان ءۋايىس, تۇرىك ءتىلى مەن ادە­­بيەتىنىڭ پروفەسسورى, اكادەميك ورحان سوي­لەمەز, تۇركياداعى قا­زاق­ستان ەل­شىلىگىنىڭ كەڭەس­شىسى مەرەي مۇ­قاجان جانە سونداعى قا­زاق دياس­پو­راسى­نىڭ وكىل­دەرى قاتىستى.

تانىستىرىلىم با­رى­سىندا العاشقى ءسوز كەزە­گىن العان تۇركسوي-دىڭ باس حاتشىسى سۇل­تان راەۆ جازۋشىنىڭ شىعار­ما­شىلىعى تۋرالى پاراساتتى وي ءوربىتىپ, وسى كەشتىڭ وتۋى­نە ۇيىتقى بولعان قا­زاق­ستاننىڭ تۇركياداعى ەل­شىلىگى مەن ەۋرازيا جا­زۋشىلار وداعىنا العى­سىن ايتتى. سونداي-اق ەۋ­را­زيا جازۋشىلار ودا­عى­نىڭ توراعاسى ياكۋپ ومەر­­وعلۋ قالامگەردىڭ شىعار­مالا­رىندا قا­زاق حال­قىنىڭ ۇلتتىق قۇن­دى­­لىق­تارىنا زور ءمان بە­رىلگەنىن ايتسا, ادە­بيەت زەرت­تەۋشىسى, عالىم ور­حان سويلەمەز اۆتور­دىڭ تۇرىك تىلىنە اۋدا­رىل­عان بۇل ەڭبەگىندە قا­زىرگى زاماننىڭ وزەكتى ماسە­لەلەرى فيلوسوفيالىق تۇر­عىدان قاراستىرىلىپ, ءار حا­لىقتىڭ ۇلتتىق بولمىسىن ساقتاۋعا ۇندەيتىنىن ءسوز ەتتى.

سونىمەن قاتار كەشتە جولتاي جۇمات-ءالماش ۇلى دا ءسوز الىپ, ول وسىدان 30 جىل بۇرىن الماتىدا تۇركسوي ۇيىمىنىڭ قۇ­رىلتاي قۇجاتتارىنا قول قويۋ ۇردىسىنە ءوزىنىڭ دە ۇلەس قوسقانىن جانە بۇگىن تۇركسوي-دىڭ 30 جىل­دى­عىندا تۇركيادا جارىق كور­گەن ەكىنشى كىتابىنىڭ تۇ­ساۋكەسەرى ءوتىپ جاتقانىنا قۋانىشتى ەكەنىن جەتكىزىپ, قازاق جەرىندە ءومىر سۇرگەن تۇركى الەمىنىڭ ايتۋلى تۇل­عالارى ءال-فارابي مەن قو­جا احمەت ياساۋي تۋرالى جازعان تۋىندىلارىنا توق­­تالدى.