وڭتايلانعان ونكولوگيا قىزمەتى

باس ونكولوگتىڭ مالىمەتىنشە, ەلىمىزدە جىل سايىن 35 مىڭنان استام ادام وبىرعا شالدىعادى, 14 مىڭنان استام ادام كوز جۇ­ما­دى ەكەن. بۇگىندە ەسەپتە 200 مىڭ قازاقستان ازاماتى تۇر. ءولىم-ءجىتىم بويىنشا ەلى­مىز ونكو­لو­گيالىق اۋرۋلاردان ءۇشىنشى ورىندا تۇر. ءولىم قۇرىلىمىندا ءبىرىنشى ورىندا – وكپە وبىرى (16,5%, 1 945 جاعداي), ەكىنشى – اسقازان وبىرى (11,8%, 1 411 جاعداي), ءۇشىنشى – كولورەكتالدىق وبىر (10,7%, 1 242 جاعداي) جانە ءتورتىنشى ورىندا ءسۇت بەزى وبىرى (8,2%, 959 جاعداي) تۇر.

«كەشەندى جوسپاردىڭ ءىس-شا­رالارىن ىسكە اسىرۋ كەزىندە قاتەرلى ىسىكتەردەن بولاتىن ءولىم-ءجىتىمدى ورتا ەسەپپەن 5%-عا تومەندەتۋدىڭ وڭ ءۇردىسى بار. ەلى­مىزدە ونكولوگيالىق ناۋقاستار كون­تينگەنتى 2022 جىلى 205 042 ناۋقاستى قۇرادى, 2022 جىلدىڭ 11 ايىندا قاتەرلى ىسىكتەردەن بولاتىن ءولىم-ءجىتىم كورسەتكىشى 100 مىڭ تۇرعىنعا شاققاندا 65,7-11 806 جاعدايدى قۇرادى, بۇل ءولىم-ءجىتىم كورسەتكىشىنىڭ 8,3%-عا تومەندەگەنىن كورسەتەدى», دەپ اتاپ ءوتتى د.قايداروۆا.

بيىل باستالاتىن ونكولو­گيالىق قىزمەتتى كەشەندى جاڭ­عىرتۋدا تەحنيكالىق قايتا جا­­راق­­تاندىرۋ كوزدەلەدى. ال بۇل قولدا بار دياگنوستيكالىق جاب­دىقتى جاڭعىرتۋ, جاڭا جەلىلىك ۇدەتكىشتەردى ورناتۋ جانە ەسكىر­گەن اپپاراتتاردى اۋىستىرۋ ەسەبىنەن ساۋ­لە­لىك ەمدەۋدى كەڭەيتۋ جانە جە­تىل­دى­رۋ, سونداي-اق يادرو­لىق مەديتسينا ورتالىقتارىن ۇيىم­داس­تىرۋ; از ءينۆازيۆتى حي­رۋر­گيا­نى جانە ەمدەۋدىڭ ينتەر­ۆەنتسيالىق ادىستەرىن دامىتۋ, دەربەستەندىرىلگەن تەراپيانى تاڭداۋ ماقساتىندا تولىق گە­نومدىق بەيىندەۋدى ەنگىزۋ, ىسىككە قارسى جاڭا دارىلىك زاتتاردىڭ قولجەتىمدىلىگىن ارتتىرۋ, زاماناۋي ونكولوگيالىق ورتالىقتار قۇرۋ, جاڭا بۋىن كادرلارىن دايارلاۋعا مول مۇمكىندىك بەرەدى.

سونىمەن قاتار ونكولوگيا ينستيتۋتىنىڭ باسشىسى ەسكىرگەن جانە جەتكىلىكسىز جابدىقتالعان جابدىقتا سكرينينگ جۇرگىزۋدىڭ تيىمدىلىگى ماسەلەلەرىن كوتەردى. ونىڭ ايتۋىنشا, ەسكىرگەن بەينەكولونوسكوپتاردىڭ ۇلەسى – 74,4%. بۇل رەتتە اقتوبە, اتىراۋ, باتىس قازاقستان, قوستاناي, تۇركىستان وبلىستارىندا جانە استانا قالاسىندا 80,0%-دان استام جابدىق بارىنشا توزعان. ونكولوگيالىق ناۋقاستاردى ساۋلەلىك تەراپيامەن قامتۋ پروبلەماسى دا وزەكتى. بۇل ساۋ­لەلىك اپپاراتتار پاركىنىڭ جابدىقتالماۋىنا بايلانىستى جانە ءبىرىنشى كەزەكتە گامما-تەرا­پيالىق قوندىرعىلار تۇ­رىن­دەگى ەسكىرگەن جابدىقتىڭ 50%-ىن الماستىرا وتىرىپ, قازىرگى زامانعى جەلىلىك ۇدەت­كىشتەردى ىسكە قوسۋ قاجەتتىگى ايتىلۋدا. ونكولوگيالىق قىز­مەتتى جاڭعىرتۋ جوسپارى مولە­كۋليارلىق-گەنەتيكالىق تەستى­لەۋدى كەڭەيتۋ, جەكە تەراپيانى تاڭداۋ ماقساتىندا تولىق گەنومدىق بەيىندەۋدى, گەندىك ينجەنەريانى ەنگىزۋ سياقتى وبىردى ەمدەۋدىڭ جاڭا تەحنولوگيالارىن قولدانۋدى قامتيدى. سونىمەن قاتار ونكولوگيالىق كومەكتى تولىق تسيفرلاندىرۋدى, ءبىلىم بەرۋدى تانۋ ءۇشىن جاساندى ينتەللەكت مۇمكىندىكتەرىن ەنگىزۋدى, بارلىق ماج جانە اج ينتەگراتسيالاۋدى, سكرينينگتىك تىركەلىمدى قۇرۋدى جۇزەگە اسىرۋ جوسپارلانۋدا.

قازاقستاندا ونكولوگيالىق كومەكتىڭ تيىمدىلىگىن ارتتى­رۋ ىسىككە قارسى جاڭا دارىلىك زات­­تاردىڭ, تارگەتتىك جانە يم­مۋ­نو­ونكولوگيالىق پرەپا­رات­تار­دىڭ, ونىڭ ىشىندە بالالارعا ار­نال­عان پرەپاراتتاردىڭ قول­جە­تىم­دىلىگىنىڭ ارتۋى ەسەبىنەن قام­تاماسىز ەتىلەتىن بولادى.