2022 جىلعى 23 جەلتوقساندا ۇلىتاۋ وبلىسى بويىنشا مەملەكەتتىك كىرىستەر دەپارتامەنتى ۇلىتاۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىمەن بىرلەسىپ جەزقازعان قالاسىنداعى ك. جەكە تۇلعاسىندا الكوگول جانە تەمەكى ونىمدەرىنىڭ زاڭسىز اينالىمىن انىقتادى, دەپ حابارلايدى Egemen.kz.
ۇزاق ۋاقىت بويى اتالعان جەكە تۇلعا پەت-بوتەلكەلەردە شىعۋ تەگى بەلگىسىز الكوگول ونىمدەرىن, سونداي-اق تەمەكى ونىمدەرىن سايكەستەندىرۋ قۇرالدارىنسىز ساقتاۋ جانە بولشەك ساۋدادا وتكىزۋ جونىندەگى زاڭسىز قىزمەتتى جۇزەگە اسىرىپ كەلگەن.
بىرلەسكەن ءىس-شارالاردى وتكىزۋ ناتيجەسىندە ساتۋعا دايىندالعان 8 855 ليتر كولەمىندەگى 5 ليترلىك پەت - سىيىمدىلىقتاعى الكوگول ءونىمى, سونداي-اق 5 821 قوراپ تەمەكى تابىلىپ, تاركىلەندى. الكوگول جانە تەمەكى ونىمدەرىنە ەڭ تومەنگى بولشەك ساۋدا باعالارىن قولدانۋدى ەسكەرە وتىرىپ, الىنعان ءونىمنىڭ جالپى قۇنى 20 ملن تەڭگەدەن اسادى.
قازىرگى ۋاقىتتا اتالعان فاكت بويىنشا ەكونوميكالىق تەرگەپ-تەكسەرۋ دەپارتامەنتى قازاقستان رەسپۋبليكاسى قىلمىستىق كودەكسىنىڭ (زاڭسىز كاسىپكەرلىك) 214-بابى 1-بولىگى بويىنشا سوتقا دەيىنگى تەرگەپ-تەكسەرۋدى تىركەدى.