كەشە اباي وبلىسىنىڭ قۇتقارۋشىلارى جارىسقا بارا جاتقان 19 سپورتشىنى ەۆاكۋاتسيالادى, دەپ حابارلايدى Egemen.kz.
«كەشە «112» پۋلتىنە وسكەمەن-الماتى تاسجولىنىڭ 25 كم-دە اياگوزگە جەتپەي ەۆاكۋاتسيالاۋدى قاجەت ەتەتىن ىشىندە 19 سپورتشىسى بار «گازەل» ماركالى اۆتوكولىگىنىڭ سىنعانى تۋرالى حابارلاما كەلىپ ءتۇستى», دەلىنگەن جەرگىلىكتى تجد ءباسپاسوز قىزمەتىنىڭ حابارلاماسىندا.
وقيعا ورنىنا №13 ءورت ءسوندىرۋ بولىمىنەن 1 «ۆاحتا» جوعارى ءوتىمدى تەحنيكاسىمەن جەكە قۇرامنىڭ 4 ادامى دەرەۋ جولعا شىقتى. وقيعا ورنىنا كەلگەننەن كەيىن اياگوز قالاسىنىڭ №13 ءوسب قىزمەتكەرلەرى جالپى سانى 22 ادام, 1 گازەل مەن 3 جەڭىل اۆتوكولىكتى ەۆاكۋاتسيالادى.
مەديتسينالىق كومەك قاجەت بولعان جوق. كەيىن قۇتقارۋشىلار ادامداردى اياگوز قالاسىنداعى بالالار مەن جاسوسپىرىمدەر سپورت مەكتەبىنە ورنالاستىردى.