ۇەۇ-عا مەملەكەتتىك گرانتتار بەرۋ كونكۋرسى باستالدى

كونكۋرس 47 مەملەكەتتىك گرانتتى ىسكە اسىرۋعا, ونىڭ ىشىندە 22 قىسقا مەرزىمدى, 16 ورتا مەرزىمدى جانە 9 ۇزاق مەرزىمدى جوبا 6 سالا بويىنشا جاريالاندى:

1) حالىقتىڭ الەۋمەتتىك تۇرعىدان وسال توپتارىن قولداۋ;

2) ازاماتتىق قوعامدى دامىتۋعا, ونىڭ ىشىندە ۇكىمەتتىك ەمەس ۇيىمدار قىزمەتىنىڭ تيىمدىلىگىن ارتتىرۋعا جاردەمدەسۋ;

3) ازاماتتار مەن ۇيىمداردىڭ قۇقىقتارىن, زاڭدى مۇددەلەرىن قورعاۋ;

4) قوعامدىق كەلىسىمدى جانە جالپىۇلتتىق بىرلىكتى نىعايتۋ;

5) جاستار ساياساتى مەن بالالار باستامالارىن قولداۋ;

6) وتباسىلىق-دەموگرافيالىق جانە گەندەرلىك ماسەلەلەردى شەشۋگە جاردەمدەسۋ.

بارلىق وتىنىمدەر grants@cisc.kz ەلەكتروندىق پوشتاسى ارقىلى قابىلدانادى. سونداي-اق وپەراتورعا ءوتىنىمدى (قۇجاتتاردى) قولما-قول تاپسىرۋعا دا بولادى.

ازاماتتىق باستامالاردى قولداۋ ورتالىعىنىڭ كەڭسەسى: استانا قالاسى, قابانباي باتىر داڭعىلى, 11/5, 5 قابات, 504/3 كابينەتتە ورنالاسقان.

قىسقا مەرزىمدى جانە ورتا مەرزىمدى گرانتتارعا وتىنىمدەر وپەراتورعا 12 قاڭتار - 1 اقپان ارالىعىندا استانا ۋاقىتى بويىنشا 18.30-عا دەيىن, ۇزاق مەرزىمدى گرانتتارعا 12 قاڭتار - 15 اقپان ارالىعىندا استانا ۋاقىتى بويىنشا 18.30-عا دەيىن قابىلدانادى.

قوسىمشا سۇراقتار بويىنشا ورتالىق مەنەدجەرلەرىنە 8 (7172) 79-08-04, 79-08-28, 79-08-07 نومىرلەرى ارقىلى حابارلاسۋعا بولادى.

بايقاۋ تۋرالى تولىق اقپارات ازاماتتىق باستامالاردى قولداۋ ورتالىعىنىڭ سايتىنا ورنالاستىرىلعان.