ءىىم ەسىرتكى قىلمىسىنا قارسى ءىس-قيمىل دەپارتامەنتى مەن قوستاناي وبلىسىنىڭ پوليتسەيلەرى قارجى مونيتورينگى اگەنتتىگىمەن بىرلەسىپ, قوستاناي جانە رۋدنىي قالالارىندا Telegram الاڭىندا جۇمىس ىستەيتىن سينتەتيكالىق ەسىرتكىلەردى وتكىزەتىن ينتەرنەت-دۇكەندى جويدى, دەپ حابارلايدى Egemen.kz.
ينتەرنەت-دۇكەن تۋرالى اقپارات جيناپ, جۇمىس سحەماسىن جانە ونىڭ اكىمشىلەرىن زەرتتەگەننەن كەيىن قىلمىسكەرلەر جۇرگىزگەن قارجىلىق وپەراتسيالارعا باقىلاۋ جاسالدى. وسى كەزەڭدە قارجى مونيتورينگى اگەنتتىگىنىڭ قارجىلىق بارلاۋ بولىمشەسىنىڭ ماماندارى جۇمىسقا قوسىلدى. ماماندارمەن «دروپ» دەپ اتالاتىن جالعان تۇلعالاردىڭ بانك كارتالارىنا تۇسەتىن بارلىق اقشا اۋدارىمدارى تۋرالى مالىمەتتەر جيناقتالدى.ينتەرنەت-دۇكەننىڭ قىزمەتتەرىن 500-دەن استام تۇتىنۋشى پايدالانعانى انىقتالدى. ونىڭ جۇمىسى بارىسىندا بوگدە ادامداردىڭ تولەم كارتالارى ارقىلى ەسىرتكى ساتۋ بويىنشا كەمىندە 15 مىڭ مامىلە جۇرگىزىلگەن.
ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى اسقار مۇحامەتقاليەۆ تۇسىندىرگەندەي, جويىلعان ينتەرنەت-دۇكەن ارقىلى سينتەتيكالىق ەسىرتكىلەردىڭ تەك جاڭا تۇرلەرى عانا ساتىلعان.